Анализ лэсьтон пайдаё

Куд-ог хозяйствоослэн кивалтӥсьёссылэн но специалистъёссылэн музъемлэн удалтонлыкезлэн стандартъёсыз, параметръёсыз но показательёсыз сярысь тодон-валанзы тырмыт ӧвӧл. Со муген удобрение но музъеме сельскохозяйственной культураослэсь кӧттыро элементъёслы кулэяськемзэс лыдэ басьтытэк пыртӥське. Вылӥ удалтэм урожай басьтыны тыршыса, хозяйствоосын удобрениез нормалэсь мултэс пырто. Соин соос инкуазь объектэн лыдъяськем музъемлы бадӟым изъян ваё.

Музъемен пайдаяськисьёс сюйзылэсь агрохимической показательёссэ тодыны кулэ. Музъемлэсь уродмемзэ, секыт металлъёсын, пестицидъёсын но мукет пӧртэм кышкыт веществоосын кырсёмемзэ шараян понна, 5 арлы одӥг пол солы агрохимической эскерон ортчытоно. Сюйлэн кырсёмемез шараяськиз ке, музъемен пайдаяськись агрохимической ужрадъёсты кутыны кулэ. Та ужрадъёсты дыраз быдэстымтэ понна, административной ответственность чакламын. Россия Федерацилэн правительствоезлэн постановлениеныз сельскохозяйственной музъемъёслэсь удалтонлыксэс шӧдскымон кулэстӥсь критерийёс юнматэмын. Та понна музъем но агрохимической утчаськон удысын аккредитовать карем организациосын огкыл гожтыны кулэ. Музъем - адямилы но пудо-животъёслы - сиён, промышленностьлы сырьё сётӥсь инкуазь узырлык. Соин ик музъемез утён - государственной но муниципальной органъёслэн одӥгез валтӥсь ужпумзы.