Хезмәт

Анайёслэн юрттӥсьсы, кенешчизы

Вань сюлэм шунытсэ сётыса, вордскем нылпизэ кияз кутыса нонтӥсь анайлэсь но чебер, муспотон адями вань меда дунне вылын? …вӧл, дыр.

Районысь центральной больницалэн нылпи ваён отделенияз старшой медсестра луыса ужась Ляля Габдрахманова котькуд нунал сыӵе чебер суредэз адӟе. Анай луон минутъёсы бадӟым юрттэт, визь-кенешъёс сётэмез понна Ляля Вазиховналы тросэз нылкышноос тау карыса уло.
Секыт но, шумпотон но со нылпи ваён минутъёс. Тӥни сыӵе дыръя врачъёслэн, медсестраослэн одӥг шуныт кылзы, буйгатэмзы нылкышнолы кӧня выль кужым сётэ. Ляля Габдрахманова но нылкышноослы, нылпи вайыкузы, вань сюлэмзэ поныса юрттыны тырше. Нырысетӥзэ пинал вайись анайёс понна оскымон юрттӥсь но, кенешчи но со. Мазэ веранэз, кыкетӥзэ-куинетӥзэ нылпи вайись анайёс но солы кенеш курыса вазисько.
Пичи дырысеныз ик врач луон мылкыдэн улэм Ляля, кӧня куризы ке но, ас малпанэзлэсь ӧз куштӥськы: школазэ йылпумъямез бере со Казаньысь медициная училищее дышетскыны пыре. Практиказэ Балтасьын ортче. Соку ик ини нылпи ваён процессэ пыриське. Анаез, Рузалина апай, котьку но нылзэ визьнода:
- Нылы, ужед секыт но кылкутымон. Нылпи вайись кышномуртлы одӥг шуныт, небыт кыл гинэ но гурезез ӝутыны вормымон кужым сётэ. Соин но жалясь, ӟеч мылкыдо луы. Шуныт кылъёстэ эн жаля.
Ужаны Ляля асьме больницае бертэ. Кӧня ке ужамез бере ик ини ассэ тодӥсь-валась специалистэн возьматэ. Коллективын но сое аслэсьтыз ужзэ пыр-поч, пумаз-йылаз вуттыса, чылкыт сюлмын быдэсъямез понна гажало. Нылпи ваён отделениын старшой медсестра луыса ужаны кутскемезлы но дас ар луэм ини.
Ляля ачиз но кык нылпилэн анаез. Айнур пиез но Алиса нылыз Казаньын лицейын тодон-валан басьто. Нылпиоссы анай-атайзэс умой оценкаосын гинэ шумпотто. Яратыса «анай» шуыса вазиськись нылпиосызлэсь, семьязэ «сильтӧлъёслэсь» утись улонысь эшезлэсь Айдарлэсь сюлмаськемзэс, гажамзэс шӧдыса улон но ужан дырыз али Ляля Вазиховналэн. Инмарлы тау, кык паласен но анай-атайёссы но вань али. Пациентъёс но котьку тау карыса гинэ уло солы. Огъя вераса, улонэзлэн сяськаяськон дырыз али Ляля Габдрахмановалэн.

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: