Хезмәт

Балтач районы

18+
2024 - Гаилә елы
Азьлане

Артемийлэн династиез

«Ушма» общество (ӝуатэм гордсюйлэсь кирпич шуккон завод) Улын Ушма гуртын интыяськемын. Татын тросгес куинь матысь удмурт гуртъёсын улӥсьёс ужало (Улын, Шор, Вылын Ушма гуртъёсысь). Соин паймонэз но ӧвӧл кадь, Улын Ушма гуртысь кирпич заводын быдэс династиен ужасьёс вань шуыса.

Матвеева Надеждалэн тодэ ваёнъёсысьтыз:

«Ушма кирпич завод» 1950 арын кылдэм. Милям семьяысьтымы нырысетӥ ужась ӵужатае Евдокимов Артемий луиз, со 80 аресозяз ужаз. Ужаны пырем со арын ик, ку кылдэм кирпич завод. Со дырозь, мынам малпамея, та завод нимаз муртлэн кияз луэм. Ӵужатае возчик луыса ужам. Кирпич поттон понна валэн гордсюй, ву нуллэм. Та ужъёсыз бере нуналлы быдэ Балтасе ужасьёслы но семьяоссылы нянь ваён понна ветлылэм. Со аръёсы кирпич заводын уж секыт луэм, ваньзэ шуымон киын быдэсъяллям. Кирпич поттон понна вань ужасьёс ӵошен инъет дасяллям. Гордсюез пыдын ныркылӥллям, отчы луо но опилка ватсаллям. Собере солэсь кирпич вандылӥллям, котэн ик вагонеткаос вылэ тырылӥллям. Нылкышноос соосты рельсъёс кузя киын донгало, пе, вал сарае. Кирпичез выгружать карыса куасьтыны штабелен тыриллям. Нош ик киын вагонеткае тырылӥллям но напольной гуре нуылӥллям, кудаз 25 сюрс кирпич тэрылэм. Гурез эстон азьын пу вандылӥллям. Луизы сыӵе дыръёс, куке завод Балтась мех фабрикаен ӵош ужаз. Со эстӥськонлы мех вуттылӥз. Заводын уж гужем гинэ луылӥз бере, толалтэ мех фабрикаын ужаллям. Собере эгыр вайылӥллям. Кирпич туж ӟечлыко пӧрмылэм. Куинь сменаен ужаллям. Выль туннельной горкаосын дышетскисьёс но ужазы.

1960 арын туннельной гур лэсьто. Люлечной конвеер радъяло. Вань та ужез ужасьёс асьэос быдэсто. Кирпич куасьтон понна 14 сарай ӝуто, кирпич-сырец лэсьтон понна агрегат. Сыӵе выльдӥськонъёс бере уж трослы капчигес луэ. Араз 5-6 миллион кирпич поттыло. Вылӥ ӟечлыко луэменыз пӧртэм городъёсысь но районъёсысь басьяськисьёс лыктылӥллям. Машинаос ӝытысен ик черодэ султылӥллям. Уйбыт соос чидаса возьмало, пе, вал. Заводысь черод километрлы шуымон кыстыськылэм.

Мынам анае Егорова Анисия Артемьевна но атаезлэн пытьыетӥз мынэм. Ужаны со 1955 арын разнорабочей луыса пырем, кема ужаз кирпичез ӝуатӥсь луыса (обжигальщица). Пенсие но кирпич заводысь ик кошкиз.

Мон ачим, Матвеева Надежда Владимировна, кирпич заводэ 1974 арын ужаны пыри. Нырысь бригадир луыса ужай, нош 1985 арын монэ выжтӥзы но пенсиозь мастер луыса тырши. Ужын вормонъёс понна данъян грамотаосын пусъемын.

Мынам кузпалы Матвеев Юрий Кузьмич но ужан сюрессэ кирпич заводэн герӟаз. 1974 арын, армиын служить каремез бере, татын ик ужаны кутскиз. Шофёр, экскаваторщик луыса ужаз. Солэсь ужзэ котьку дунъяллязы. Солэн но, мынам кадь ик, уно грамотаосыз вань.

Дьячков Дмитрий Владимирович но, мынам пие, кирпич заводын 15 ар агрегатын слесарь луыса ужаз. Берло дыре конкуренция будэмен кирпичмы кулэтэм луыса, тросэзлы ужасьёслы кошконо луиз, арлыдоос гинэ кылизы. Милям семьяысьтымы выны Егоров Пётр Владимирович но заводын ужаз. 1977 арысен тракторист луыса тырше, КамАЗ-эн но ужаз. Солэн кышноез Егорова Мария Александровна но (милям кенмы) ужан сюресэзлэсь бадӟым люкетсэ кирпич заводлы сӥзиз. 1983 арозь бухгалтериын ужаз, 1986 арын мастер луиз, нош берло, тазалыкез лябӟемен, повар вал.

«Татагропромстрой» обществолэн кылдэмез дырысен 40 ар тырмонэн валче 2000 арын ми ваньмы корпорацилэн Президентэзлэн В.М. Вильдановлэн грамотаосыныз пусъемын вал.

Ми понна кирпич завод ужан инты гинэ ӧз луы. Со вал инты, кытын ми улӥмы, тыршимы но ужасьёслы но соослэн нылпиоссылы праздникъёс ортчытъямы. Тунсыко ортчытылӥмы Выль арез, Лэсьтӥськисьёслэсь нуналзэс, сезонэз усьтон-ворсанэз. 70-80-тӥ аръёсы заводэ трос нациё Татарстанлэн пӧртэм сэрегъёсысьтыз ужасьёс вуылӥзы. Соослы общежитие сётылӥзы, столовой, библиотека, медпункт, «горд сэрег» ужаз. Тунсыко, тросэз лыктэм ужась нылъёс татын ик ас шудзэс шедьтӥзы, татысь пиосын семья кылдытыса, улыны но ужаны кутскизы.

Матвеева Надежда Владимировналэн верамезъя гожтӥз Балтасева Кристина, Покчи Лӧзя школа.

 

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Оставляйте реакции

1

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: династия

2
X