Хезмәт

Бадминтонэз азинтӥськом

Та дырозь районамы шахматъя федерациен кивалтыса, спортэз азинтонэ шӧдскымон бадӟым люкет пыртэм Равиль Каримов али кемалась ӧвӧл гинэ кылдэм бадминтонъя федерациен кивалтыны басьтӥськиз.

Федерацилэн ялан сямен заседаниосыз луыло, ӵошатсконъёссы но ортчытӥськыны кутскизы. Бадминтонэз азинтон понна сюлмаськись спонсоръёс но шедизы. Соос пӧлысь одӥгез - «Халяль» индустриальной парклэн кивалтӥсез Ильназ Якупов. Солэн коньдонэн юрттэменыз кемалась ӧвӧл гинэ «Балтач» универсальной спорткомплексын кыкетӥзэ бадӟым ӵошатсконъёс ортчизы.
Шудонъёс огдыре ик 5 площадкаын мынӥзы. Ӵошатсконъёсы 2001-2002, 1999-2000, 1998-тӥ но солэсь азьло аръёсы вордскемъёс, 35 аресозь нылкышноос, 40 аресозь воргоронъёс но арлыдоос ӧтчамын вал. Ваньзэ 15 команда люкаськиз, 70 мурт кужымзэ мертаз.
1999-2000-тӥ аръёсы вордскемъёс пӧлын 1-тӥ интыез басьтӥзы Диляра Габделхакова (Субаш), Райхан Нигматзянов (гимназия), 2-тӥ интыын - Азалия Хабибуллина, Ильсур Вафин (кыкназы ик Субашысь), 3-тӥ интыын - Зиля Шайхетдинова, Ислам Сулейманов (кыкназы ик Кугунурысь).
2001-2002-тӥ арын вордскемъёс пӧлын 1-тӥ инты басьтыны шуд усиз Диана Романовалы, Назир Гильмановлы (кыкназы ик Субашысь), 2-тӥ интыын - Миляуша Фролова, Искандер Гайнетдинов (кыкназы ик Субашысь), 3-тӥ интыез люкизы Адиля Закирова (Кугунур) но Ильшат Хабиев (Субаш).
16 аресысен кутскыса 35 но 40 аресъемъёс пӧлын, 1-тӥ инты басьтыса, вормисе потӥзы Илюза Загидуллина (Субаш), Рамзиль Гайфетдинов (Субаш), 2-тӥ интыын - Диляра Музипова (Нурма), Зульфат Набиев (Кня), 3-тӥ интыын - Айгуль Ибрагимова (Кня), Ингель Самигуллин (Кня).
35 но 40 ареслэсь ортчемъёс пӧлын вормиз Наиль Сабирзянов (Балтась), 2-тӥ интыез басьтӥз Булат Фатхетдинов (Балтась), 3-тӥ интыын - Равиль Каримов (Балтась).
Нылкышноос пӧлысь та категорие пырись одӥг гинэ мурт вал - суй кужымез мертанъя нюръяськись Альфия Зиятдинова. Жаляса верано, соин вожвылъяськыны мурт ӧй вал.
Шудӥсьёсты вуоно ӵошатсконын витиськом. Со 12-тӥ апреле, Бадминтонэн шудӥсьёслэн всероссийской нуналзылы сӥзьыса, «МДСУ-1» обществолэн призэзлы ортчытӥськоз.

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: