БАДӞЫМ ШУД УСИЗ

Тулыслы, сӥзьыллы быдэ машинаен ветлӥсьёс тэльмыро вал гуртысен асфальт сюресэ потыны. Вазь ӵукна ик пыдесын ӵош дэри коласа, гурт пуме вуытозь йӧл нуыса мынон вань шуыса сюлмаськыса сайканъёсмы но вунӥзы. Йӧл люкась Вячеслав Шакаев но шумпотыса пыре выль лэсьтэм сюрестӥ.

Кускемын школае ветлӥсь ньыль нылпи вань. Соосыз но капчи сюлмын келяськомы школае: автобус гуртэ вуытозь ик пыре, сюрес лэсьтӥсьёс берытскыса кошкон инты но лэсьтӥзы. Учырен пайдаяськыса, Ципья шоръёзо школалэн директорезлы Сайдаш Талгатович Нурмиевлы но тау кылмес вераськомы . Автобус шофёрзэс, Миша агайзэс, но пиналъёс туж ярато, бадӟым тау солы но. Толалтэ гӧп нуналъёсы но сюресмы туж вольыт улэ, гуртамы улӥсь Пётр Романов тракторен сузяса гинэ возе.

Гужем куазь туж зоро луиз ке но, одӥг нунал но кыльытэк, пумаз вуттыса ужазы МДСУ-1 организациысь сюрес ужасьёс. Кускем гурт калыклэн нимыныз туж бадӟым тау кареммы потэ сюрес лэсьтӥсьёслы, кивалтӥсьёссылы, интыысь аскивалтонъя ёзэслэн Зиннур Асхадуллинлы но нимаз ик районмылэн главаезлы Рамиль Нутфуллинлы.