Хезмәт

Балтач пумиськонын туж кельшиз!

24-тӥ декабре Ижевскын Калыкъёслэн эшъяськон юртазы Шошма удмуртъёслэн (Балтач, Карлыган, Малмыж) Выль арез пумитанлы сӥзем пумиськон ортчиз.Таӵе пумиськонъёсты асьме улосчимы Пётр Данилов 4 ар ӵоже ортчытъя шуыса кылэме вань вал, нош таяз пумиськонэ аслым но отын луыны кылдӥз.

Со бадӟым но чебер юртлэн залаз буш инты ой вал: Балтач палъёс, Карлыган но Малмыж котырысь удмуртъёс люкаськиллям. Тросэз «апайёс» сандыкысьтызы удмурт дӥськутъёссэс поттыса, «жальк-жальк» камалиоссы чиляса ик эктӥзы, поскесъёссэс но сузяллям - воксё паймод ява! Отын трос вал на Удмуртиысь «тупалъёс» но, туж,пе, яратӥськомы «Айкай» театрлэсь концертъёссэ, куд-огез учкисьёс воксё удмурт кылэз ик уг тодо.
Шулдыр ортчиз та пумиськон: учкимы, эктӥмы, кырӟамы, пумиськимы,эшъяськимы, паймимы! Эшшо но умой - егитъёс но та уже пыриськиллям. Ижкарын дышетскись Балтач пиос но нылъёс огъя люкаськыса ансамбль кылдытыны быгатӥллям. Оскиськомы, удмурт сямен юмшанъёсты тодӥсьёс но быгатӥсьёс табере тросгес луозы шуыса.
Адямилы капчигес луэ вордскем шаерын будыса отчы ик выжы лэзьыны «кытын вордскид,отын ик кулэ луид», шуэ калык. Нош вордскем интыысь кыдёке кошкыса адямилы кулэ выльысь кутскыны. Тӥни сыӵе улон сюрес быръем аслыз Кушкетысь егӥт пи Удмурт шаере дышетскыны кошкыса. Табере ини со Пётр Павлович Данилов - Удмурт Элькунысь Культурая министрлэн кивоштӥсез! Мынам быгатонлыке кужмо ке луысал, Пётр Павловичлы Татарстанысь сиё-дано культурая ужась ним сётысал. Шошма удмуртъёслэсь дӥськутсэс, эктон-кырӟанъёссэс данъямез понна! Асьмелэн кадь дӥськут Удмурт Элькунын ӧвӧл, «апай сямен» эктонэз но «чабатаез» но отын уг тодо. Ӟуч сямен ке верано «уникальной» аспӧртэмлык Шошма палась удмуртъёслэн гинэ. Нош табере Ижын, Москваын, Екатеринбургын, Хельсинкиын - вань дуннеын Балтач палан улӥсь удмуртъёсты данэ поттыны быгатӥз. Тау Тӥледлы Пётр Павлович!

Без социаль челтәрләрдә: ИнстаграмИнстаграм ВКонтакте, ВКонтакте, ТикТок, Ютуб, Одноклассники, Телеграм, Фейсбук, Твиттер, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: