Батыр сюлэмоос мыно

- Али гинэ бертыса кошкем вал ук. Армиын служить каре шуыса уд но малпа.

Вераськон Кизнерысь воинской частьын контрактъя служить карись Балтась пи Айдар Зиятдинов сярысь мынэ. «Татын уж утчаса, ӧжыт уксё басьтыса ужатозь, радзэ тодысал ке, мон но мыныса бертысал», шуисьёсты ӵемысь пумитаны тупа. Соин ик районысь военной комиссариатысь армие мынӥсьёсын ужась отделлэн кивалтӥсеныз Марат Разакович Муллахметовен вераськоно луи.

- Кизнерын, Йошкар-Олаын, Костромаын, Мурманскын, Екатеринбургын, Севастопольын, Таджикистанын, Чечняын... Мылкыд каремедъя, ӧнередъя но тазалыкедъя авиациын, военно-морской флотын, десантной, сухопутной войскоосын служить карыны луэ.

- Кыӵе частьын служить каремедъя, чинэдъя толэзьлы 25 сюрсысен кутскыса 100 сюрс манетозь басьтӥсьёс вань. Со сяна, огкыл гожтыса служить карыны кутскем бере, огпол 75 сюрс манетозь уксё сётӥське. Кварталлы быдэ премиос тырисько. Сое 60 сюрс манет басьтӥсьёс но вань. Кык окладозь дас куинетӥ уждун сётӥське.

- Контрактъя куинь ар служить карем бере, черодэ султӥськод. Москва но Санкт-Петербург сяна, Россилэн котькыӵе городысьтыз, вань семья членъёсты но пыртыса, квартира басьтыны быгатӥськод. Контрактъя 13 ар служить карид ке, со квартира бушын аслыд кыле. Со арез ӧд ке тырмыты, военной ипотекая ӧжытсэ тыроно луэ. Арендае басьтыса улӥсьёслы квартиралы тырон понна толэзьлы быдэ 3600 манет уксё сётӥське.

- Ужан дыр ӵукна 8 часысен ӝыт 6 часозь. Воскресенье - шутэтскон нунал. 30 нуналысен 45 нуналозь арлы быдэ шутэтсконэ потӥськод. Мылкыд каремедъя сое люкылыса но басьтыны луэ.

- Зэм, бер ини тыныд. Отчы 35 арес тырмымтэ, служить карем, тазалыкезъя ярась, уголовной ответственносте кыскиськымтэ, кышкасьтэм, батыр сюлэмо пиосты но нылъёсты басьто. Армиын служить карем пиослы сроксы тырмем бере огкыл гожтыса служить карыны кылён умой.

- Стаж куспетӥ уг луы. Бертыса ӧжыт гинэ шутэтске но, со ик солдат службазэ азинтэ. Контрактъя служить карисьёс военной стажен пенсие но азьвыл потыны быгато. Таджикистанын 1 ар служить карон 3 арен лыдъяське, Чечняын - одӥг ар но ӝыныен. Льготаос но трос. Служить карисьёс уг ӝожтӥсько.

- Татарстанлэн военной комиссариатэзлэн Балтасьысь отделаз, шонерак мон доры мед лыктозы. Контрактъя служить карыны ар ӵоже басьтӥськомы. Нырысь пыр-поч медкомиссия ортчытӥськомы, собере Казаньын. Служить карыны кутэм сярысь вылӥысен приказ вуэм бере, тодмоям часте мыныса вуон понна кулэ документъёсты дасяськомы. Сюрес вылын ветлон - дунтэк. Служить карыкуд но асьме страная транспортлы уксё поттытэк арлы огпол кытчы ке мыныса бертыны быгатӥськод.

- Нырысь казармаын 1-1,5 толэзь мында эскерон срок ортчиськод, аслэсьтыд быгатэмдэ возьматӥськод. Собере гинэ контрактник луиськод, солы сётӥськись льготаосын пайдаяськыны кутскиськод.

- Улон интыез, нылпи садэз, школаез, спорткомплексэз, магазинъёсыз луэм военной городокын. Татын квартира басьтытозь улон понна котькыӵе луонлыкъёс кылдытэмын. Контрактникъёслэн нылпиоссы военной училищеосы конкурстэк пырыны быгато, соослэн дышетскем дырзы но служить каронзы стажазы пыро.

Служить карись пиосмылэсь но кӧнязэ ке вераса ортчо ини. Балтасьысь Айдар Зиятдинов Кизнерысь частьын служить каре. Солэн ӵыжы-выжыез Салаусьысь Тахир Зиятдинов но отын. Балтасьысь Динар Асхадуллин Йошкар-Олаын, Сырьяысь Михаил Чернов Костромаын, Улисьялысь Анатолий Васильев Мурманскын, Балтасьысь Марсель Абсаттаров, Ильшат Мингазев Саратовысь воинской частьын контрактъя служить каро, шутэтскыны бертыло. Мылкыд каремъёс контрактъя служить карон сярысь соослэсь но юалляськыны быгато.