Хезмәт

Бусые потон дыр вуэ

Туэ тулыс кизён понна кидысъёсты кылем арын октон-калтон вакытэ ик дасяны кутскиллям. Вылӥ репродукциё, ӟечлыко кидысъёс гинэ киземын луозы.

Соосты жагтурынъёслы, пӧртэм висёнъёслы но изъянтӥсьёслы пумит обработать каронлы бадӟым саклык висъяське. Кидысэз протравить, биостимуляторъёсын обработать карон понна оборудованизы, приспособлениоссы, препаратъёссы тырмыт.
«Руслан» шуыса нимаськем элита сорт кидысэз возён амбарын семинаре пыриськемъёс кидыс обработать карон агрегатэз но тунсыкъяськыса учкизы, кидысэз кизьыны дасян радлыкен, куронъёсын тодматскизы. Россельхозцентрысь специалист Ирек Галимов кидысъёсын ужанъя трос ӵектонъёс сётӥз.
«Кама» хозяйствоын минеральной удобрение но трос - котькуд гектар гыроно бусылы 60 килограмм мында действующей кужымен - дасяллям. Котькуд бусые сое картограммая пыртозы: азотэз ӧжыт луэм музъеме азотнойзэ, фосфор тырмымтэезлы фосфорнойзэ, калиез кулэс ке - калийнойзэ.
Хозяйствоысь валтӥсь инженер Рафиль Закиев техника паркысь агрегатъёсын тодматӥз. Куинь кизён агрегатэз дасяса пуктӥллям. Турын кизён понна кутӥськисез но дась. Узьымъёслы подкормка пыртон понна одӥг КУН, кизён агрегат бусые потыны стартэз витё. Катокъёс, усыос но дась. Туэ тулыс огдыре 10 агрегат мускытэз ӝегатоз. 25 тракторлэн ваньмыз но тупатэмын. 2012-тӥ арын 10 миллион манет тыр выль техника басьтэмын ке вал, кылем арын 12 миллион манет тыр вайиллям. Мускытэз ӝегатон понна тодмоям одӥг «Беларус-1221» тракторлэсь, эшшо ньыль питыран ватсаса, музъемез зӥбон кужымзэ кулэстӥллям.
«Кизьыны потыны дась вылэм ини» шуыса, синмаськыса но, вожъяськыса но учкизы семинаре лыктэм хозяйствоослэн кивалтӥсьёссы, ӧнерчиос.
Семинарлэн совещание люкетэз Пижмара культура юртын ортчиз. Татын тулыс бусы ужъёслы районысь хозяйствоосысь техникалэн дась луэмез, кизён материал, минеральной удобрениос дасянлэн югдурез сярысь вераськон луиз. Семинар-совещаниез районысь гурт хозяйствоя но сиён-юонъя управленилэн кивалтӥсез Фирдавес Набиуллин нуиз.

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: