Хезмәт

Бусыосын — ӟеглэн зыныз яке ӟырдыт нуналъёс кутскизы

29-тӥ июль нуналэ «Смаиль» хозяйствоын районын нырысетӥосын луыса валоке понэм ӟегез кутсаны кутскизы.

Нош ӟегез районын тодмо луэм механизатор Рифат Закиров «Макдон» комбайнэныз валоке понэ. Та нуналэ Раушан Фазылзянов «Нива», Рафиль Ахмадуллин «Енисей» комбайнъёсын ӟегез кутсаны кутскизы. 31-тӥ июльлы хозяйстволэн итымаз 84 тонна ю-нянь бертӥз.
Районысь гурт хозяйствоя но сиён-юонъя управлениысен басьтэм даннойёсты учкыку, 30-тӥ июль нуналэ «Бурбаш», «Маяк», «Кызыл юл» хозяйствоосын но кӧня ке комбайн валоке погыртэм ӟегез кутсаны кутскем. Кылем хозяйствоосын но комбайнъёссы дась, ваньмаз но механизаторъёс, юрттӥсьёс вань, ю-няньлэсь югдурзэ ялан эскерыса улӥсь агрономъёслэн сигнал сётэменызы валче ужез кутскыны дась уло.
«Татарстан», «Кама», «Алга», Тукай нимо хозяйствоос сяна вань кадь обществоосын но ӟегез арало ини. 31-тӥ июльлы районъя 1318 гектар ӟегез валоке погыртӥзы. «Смаильын» - 180, «Яна тормышын» - 150, «Маякын» - 140, «Игенчеын» - 120, «Кызыл юл» но Тимирязев нимо хозяйствоосын быдэн 100 гектар ӟег арамын. «Игечне», «Якты юл», «Труд» хозяйствоосын валэс чабеез но араса кутсаны чаклало. 31-тӥ июльлы та куинь хозяйствоын 130 гектарысь валэс чабеез валоке понӥллям.
Районын сӥзьыл кизён понна 5911 гектар музъем дасямын. 31-тӥ июльлы «Маякын» - 500, «Игенчеын» - 470, «Бурбашын» 442 гектар музъем сӥзьыл кизьыны дась. Кылем хозяйствоосын музъем дасянэн югдур таӵе:
Сурнай
395
Тимирязев нимо
385
Сосна
385
Якты юл
360
Яна тормыш
280
Смаиль
270
Татарстан
269
Кама
252
Дуслык
250
Труд
245
Бурнак
230
Тукай нимо
230
Кызыл юл
230
Арбор
220
Алга
195
Уныш
186
30-тӥ июль нуналэ 12 хозяйствоын 3015 тонна сенаж понӥзы. «Алгаын», «Сурнайын», Маякын» сое одӥг нуналлы 495-400, Тукай нимо, Тимирязев нимо, «Дуслык», «Кызыл юл» хозяйствоос 378-300 тонна тыризы. «Яна тормыш», «Кама» хозяйствоосын 30-тӥ июльлы 70 но 67 тонна, «Татарстанын» - 48, «Маякын» - 35, «Кызыл юлын» 30 тонна турын дасязы. Тросаз хозяйствоосын одӥг аръем турынъёсты турнаса октонэн дыртыса туж шонер ужало. 13 хозяйствоын трос аръем турынъёсты кыкетӥ ползэ турнаса октыны кутскизы.
Тӥни озьы гурт адями понна туж ӟырдыт нуналъёс кутскизы. Одӥг ужез но черодэ понытэк, ужез комплексно радъяку гинэ умоесь бервылъёсы вутскыны луоз.

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: