Хезмәт

Балтач районы

Азьлане

Буям курегпуз

Малы меда Акашкалы курегпузъёсты буяло? Та юанлы валэктонъёс кӧня ке.

Тани одӥгез. 40 нуналъем визь дыръя, курегъёс пузамысь дугдӥллямтэ. Соин но кузёос курегпузъёсты, сӧриськонтэм понна, пӧзьтӥллям, нош собере буяллям, пе. Угось буям курегпузъёсты капчигес висъяны выльёсызлэсь.
Эшшо тодмо на таӵе учыр. Нырысетӥзэ буям курегпуз Мария Магдалина Тиберий императорлы кузьмам, пе. Со, Иисус Христос улӟыса султэм бере, сыӵе ӟеч иворен римской император доры лыктэм но шуэм: «Христос Воскресе!» Соку буш киын лыктыны уг яра вылэм, соин Мария курегпуз ваем. Нош Тиберий Мариялы оскытэк шуэм: «Нокин но кулыса уг улӟы, кызьы ке тӧдьы курегпуз но горд луыны уг быгаты». Со кылъёсты верам гинэ - курегпуз зэмзэ но ӵыж-горд тусо луэм. Тӥни со дырысен, пе, калыкын курегпузъёсты буян сяме пырем.
Котькуд тус мае ке но возьматэ. Кылсярысь, тӧдьы тус узьмагез тодэ вайытэ но чылкытлыкез, лулчеберлыкез возьматэ. Горд - Инмарлэсь адямиосты яратэмзэ возьматэ. †уж но нап-ӵуж (зарни) - узыр но тыр улонлэн символэз луэ. Чагыр тус валэктӥське ӟечлыкен, осконэн но матысьтэ яратонэн. Вож тусэз герӟало тыр улонэн но выльдӥськонэн. Сьӧд тус - со кайгулэн но куректонлэн тусыз. Соин но сыӵе буёлэн Акашка дыръя курегпузъёсты буяны чылкак уг яра.
Азьлогес курегпузъёсты буян понна инкуазь узырлыкъёсын пайдаясько вал. Кылсярысь, сугон кӧм, пӧртэм турын-куар, чукиндэр ву но мукет. Вераны кулэ: сугон кӧм калыкын али ке но тужгес тодмоез но яратоноез буёл. Со сяна, туала дыре курегпузъёсты буян понна пӧртэм пищевой красительёсты куто. Кыӵе гинэ буёлъёс ӧвӧл туннэ нуналэ: огшорыосыз, чилясь тус кылдытӥсьёсыз, ворекъяса улӥсьёсыз. Эшшо ке вань на трос пӧртэм чебер, яркыт термоплёнкаос, наклейкаос, чеберъян макеос. Огъя вераса, сюлмад ма кельше - бырйы.
Фото: http://www.ogilvypr.com.au/tag/sustainability/

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Твиттер, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: 250