Хезмәт

Балтач районы

18+
2024 - Гаилә елы
Азьлане

Быдэс даурлы тырмем сабырлык

Ципья гуртын улӥсь Агафья Степановалы та нуналъёсы 100 арес тырмиз.

Сое одӥг дауръем юбилееныз ӟечкыланы район Советлэн председателезлэн воштӥсез Наиль Сабирзянов, социальной дурбасьтонъя отделлэн заведующиез Алсу Гатиятуллина, Ципья поселенилэн кивалтӥсез Азат Нутфуллин, Ципья участковой амбулаторилэн валтӥсь врачез Ирек Фазлыев лыктӥзы. Н.Сабирзянов юбилярлы В.Путинлэсь Ѓечкылан гожтэтсэ, район главалэсь кузьымзэ сётӥз.
Со дырысь адямиос вылэ усем вань шуг-секытъёс, соос адӟем сютэм, куанер улон но, огезлэсь огез секыт ужъёс но Агафья песяез палэнтӥ ортчымтэзы. Картэныз тупаса, умой улэмысьтызы, странаын луэм та шуг-секытъёслы уг сётско соос.
Асьсэлэн нылпиоссы луымтэ та семья асьсэ гуртысьтызы анаез кельтыса кошкем (песяйлэн куштыса кошкем шуыса верамез ӧз поты) куать толэзьем Юраез вордослы басьтэ, туж яратыса будэтэ. «Со туж тыршись, визьмо луыса будэ, анай-атай шуыса улӥз, шуг-секыт кылдытытэк, армиын служить карыса бертӥз. Баянист вал, гуртын оркестр кылдытӥз. Соку ваньмыз праздник-торжествоос баянэн ортчо вал ук. Котькудӥз сое ӧтиз. Отысен ӧжытэн-ӧжытэн юыны дышиз. Кышнояськем но вал, одӥг толэзь гинэ ӵош улӥзы. Кенме но туж яратӥськем вал, кудӟем муртэн улэмез ӧз поты ук...»
Кудӟем муртлэн сямыз но воштӥське. Юра но улыса-вылыса, кизэ «лэзьыны» кутске. Атаез кулэм бере, нош но лек луэ. Анай мурт дораз изьыны но кышка. ӝикыт, сабыр Агафья апаез жалясьёс шедё, нош Юраез гинэ аракыен сырьясь интыысен утисьёс уг шедё...
Со кулэм бере, Агафья песяй, вуж луиз ке но, аслаз юртаз улэ. Нош синъёсызлы операция лэсьтэм бере, пельыз кылӥз ке но, пыдъёсыныз ветлӥз ке но, огназ гинэ кылемезлэсь кышка но кыдёкысь ӵыжы-выжыезлэн Нина апайлэн ӧтемезлы соглаш луэ. Тани кӧня ар ини соос Нина Петроваен анаен нылъёс кадь уло. Солэн семьяеныз но тупаса уло.
Берло дыре песяйлэн тазалыкез лябӟем. Одӥг ар талэсь азьло усьыса, кизэ чигем, бурмыса вуыкуз, эшшо усьыса, пыдъёссэ вӧсь карем. «Табере тросгес пуксьыса пукисько ини», - шуэ со.
Улоназ трос шуг-секытъёс адӟем ке но, синмаськымон сабырлыксэ ыштымтэ Агафья песяй. Солы шудо пересьмон кузьмась Петровъёслэн семьязылы ми ӵыдонтэм синмаськыса, паймыса, энергия люкаса бертӥмы.

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: 250