Азьлане
19-тӥ толшорысен 27-тӥ толшорозь шурысь ву но дун-чылкыт луэ, шуо. Район калыклы пыласькон понна Вуж Кушкет, Покчи Лӧзя но Биктеш гуртъёсын нимысьтыз люкмесъёс лэсьтэмын вал. Мылкыд карисьёс пыласькыса урод малпанъёслэсь мозмытскыны, лулзэс чылкытатыны быгатӥзы.
Биктеш гуртын но Йовылэсултонэз кыкетӥ арзэ ини вань кулэ йылолъёсъя ортчыто. Та ужын калыклэн огмылкыдо луэмез паймытэ. Гуртлэн старостаезлэн Валерий Михайловлэн верамезъя, биктешъёс, тужгес но егитъёс, таӵе йылолъёсты ортчытонлы бадӟым саклык висъяло, вань ужъёсты ӵошен быдэсъяло, пе. Пыласькон инты дасян борды но дэмен басьтӥськиллям, гурт хозяйствоя общество техника сётэмен сюрес но сузяллям.
Котьку сямен нырысетӥ луыса люкмесэ Иван Фёдоров но Денис Иванов пыро вылэм. Валерий Михайлов верамъя, шур дурысь пыласькыны мылкыд карись адямиос уйинозь уз, пе, быре али.
Вераны кулэ, берло аръёсы дун-чылкыт вуын пыласькисьёс пӧлын ӵемысь бигеръёсты но пумитаны луэ. Бен, православной христианин-а тон, яке мусульманин-а - ву котькин понна одӥг уга.
Вакиф Закиев,
Черкын но люкмес дурын (+фоторепортаж)
19 толшоре Йӧвылэсултон праздникез пусйимы. Соин валче Ципья но Покчи Лӧзя черкъёсын праздник литургиос ортчизы.
Котьку сямен черкъёсы трос калык люкаськиз. Службаос уйшоре 12 часэн кутскыса ӵукнаозь азӥнтӥськизы. Службаосты нуизы черкъёсысь иерейёс - отец Рафаэл (Покчи Лӧзя черк) но отец Георгий (Ципья черк). Котьку сямен вить-куать часлы кыстӥськем служба йылпумъяськем бере, котькуд лыктэм мурт дораз вӧсям ву басьтыса кошкыны быгтӥз. Вӧсям ву кема сӧриськытэк улэ. Сое вазь ӵукна сютэмен юо, коркаез вӧсяку пазяло, висисьёслы сёто.
19-тӥ толшорысен 27-тӥ толшорозь шурысь ву но дун-чылкыт луэ, шуо. Район калыклы пыласькон понна Вуж Кушкет, Покчи Лӧзя но Биктеш гуртъёсын нимысьтыз люкмесъёс лэсьтэмын вал. Мылкыд карисьёс пыласькыса урод малпанъёслэсь мозмытскыны, лулзэс чылкытатыны быгатӥзы.
Биктеш гуртын но Йовылэсултонэз кыкетӥ арзэ ини вань кулэ йылолъёсъя ортчыто. Та ужын калыклэн огмылкыдо луэмез паймытэ. Гуртлэн старостаезлэн Валерий Михайловлэн верамезъя, биктешъёс, тужгес но егитъёс, таӵе йылолъёсты ортчытонлы бадӟым саклык висъяло, вань ужъёсты ӵошен быдэсъяло, пе. Пыласькон инты дасян борды но дэмен басьтӥськиллям, гурт хозяйствоя общество техника сётэмен сюрес но сузяллям.
Котьку сямен нырысетӥ луыса люкмесэ Иван Фёдоров но Денис Иванов пыро вылэм. Валерий Михайлов верамъя, шур дурысь пыласькыны мылкыд карись адямиос уйинозь уз, пе, быре али.
Вераны кулэ, берло аръёсы дун-чылкыт вуын пыласькисьёс пӧлын ӵемысь бигеръёсты но пумитаны луэ. Бен, православной христианин-а тон, яке мусульманин-а - ву котькин понна одӥг уга.
Вакиф Закиев,
Ольга Плотникова.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев