Ципьяе Казанской но Татарстанской митрополит Кирилл вуылӥз (+фоторепортаж)
4-тӥ гудыришконэ Троицской храмез вӧсян ужрадэ трос гинэ калык люкаськиз
Туннэ нуналлы калык пӧлын Инмарлы оскись адямиос тросгес луизы кадь. Шимес но кышкыт вакытъёс адямилэн йыраз пӧртэм пумо малпанъёс кылдыто. Со малпанъёслэсь кӧня ке куштӥськыны, лул понна шутэтскон дыр кылдытыны ик черкъёс ас службазэс нуо.
— Туж чебер ужрад туннэ татын. Тани инкуазь но аслэсьтыз самой шундыё но сайкыт куазьзэ кузьмаз. Шундыед но кыӵе пиштэ. Со Инмар асьмелы луонлык сётэ храмлэн Инмарлы матынгес луонзэ пусйыны, — мылкыдъёсынызы люкиськизы лыктэмъёс.
Зэмзэ но, инкуазь ӧз ултӥя. Шуныт тӧлъёссэ но яркыт пиштӥсь шундызэ кузьмаз. Ужрадэ пыриськизы Балтась ёрослэн главаезлэн воштӥсез Наиль Сабирзянов, Балтась исполнительной комитетлэн воштӥсез Ильгам Гайнутдинов, «Труд» обществолэн кивалтсез Рашид Хадиев, «Калыкъёслэн эшъяськонзы» шаертодонъя музейлэн директорез Сайдаш Нурмиев, Ципья гурт поселенилэн главаез Азат Нотфуллин.
Митрополит Кирилл храмез улӟытонэ но приходской улонэз кылдытонэ люкет пыртэмзы понна священникъёслы но мирянъёслы епархиальной данъетъёсты сётъяз:
Святой Гурийлэн, нырысетӥ Казанской архиепископлэн медаленыз пусйиськизы: протоиерей Владимир Иванов, иерей Рафаил Фёдоров, иеромонах Самуил Овчинников, протоиерей Сергий Нечипоренко.
Ципья гуртысь азьветлӥсь, черк понна трос кужымзэ сётэм Пётр Чернов но кема аръёс ӵоже черкын завхоз луыса тыршем Валерий Денисов, «Труд» возёслэн кивалтӥсез Рашид Хадиев архиерейской грамотаосын данъяськизы.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев