Хезмәт

Балтач районы

18+
2024 - Гаилә елы
Азьлане

Дан тыныд, музъем ужась! (+фоторепортаж)

Январьлэн берпуметӥ нуналаз Балтась культура центрын ортчиз музъем ужасьёслэн слётсы.

Со нуналэ празднике люкаськем адямиосты ӟечкыланы шуыса сцена вылэ ӝутскем район глава Рамиль Нутфуллин аслэсьтыз выступленизэ : «Асьме палан нефть но уг потто, зарни запасъёс но ӧвӧл, асьмелэн самой бадӟым узырлыкмы тӥ - ужез яратӥсь адямиос!» - шуыса кутcкиз.

Лыктэм куноос - матысь бускельёсмы - Атня, Арча, Кукмор районъёслэн главаоссы Габделахат Хакимов, Ильшат Нуриев, Сергей Димитриев, Малмыж районлэн главаез Валерий Константинов, Татарстанысь Государственной Советлэн депутатэз Вагиз Мингазев адӟытон мыныку ик районысь хозяйствоослэн вутскем азинсконъёссылы синмаськемзэс веразы, тунсыкъяськыса, трос юанъёс но сётӥзы.
Празднике пыриськемъёсты ӟечкыласа, ТР-ысь Кышкыттэмлыкъя советлэн секретарез Айрат Шафигуллин, улосчимы, ТР-ысь Министръёслэн Кабинетсы бордын ужась ветеринарияя валтӥсь управленилэн кивалтӥсез Алмаз Хисаметдинов но, Заинск, Нурлат районъёслэсь ӧжыт гинэ кыльыса, кӧс аре но умой урожай будэтэм музъем ужасьёслы Татарстанлэн Президентэзлэсь Рустам Миннихановлэсь, нырысетӥ Президентлэсь Минтимер Шаймиевлэсь, Марат Ахметов министрлэсь ӟечкыланъёссэс вуттӥзы, кузьымъёс сётӥзы но, «тӥляд бадӟым праздник ортчытыны праводы вань» шуыса, ужзылы дунъет сётӥзы.
Та нуналэ кырӟасьёсмы тужгес чебер, сюлме пыӵась но шулдыр кырӟанъёссэс кузьмазы, задор эктонъёсынызы шумпоттӥзы. Котькудӥз верам кылыныз, уженыз та нуналэ музъем ужасез данъяз. Ӧжыт зорен гужемлэсь секытсэ адӟем, вазь тулысысен бер сӥзьылозь шутэтсконэз тодытэк лулысь-сюлмысь ужам муртъёслэсь быгатэмзыя унозэгес данъяны тыршиллям ужрадэз радъясьёс. Сцена вылэ тубыса, кивалтӥсьёслэн киосысьтызы кузьымъёс басьтэм «самой-самой» шуэм адямиос 89 кузя луизы. Залын пукись 121 механизаторлы, праздник кутскыку ик, «конвертъёс» сётӥськизы. Нянь будэтон удысысь ветеранъёс но вунэтэмын ӧй вал, котькудӥзлы сяська керттэт но сётӥськиз. Огъя вераса, сюлмысь дасям ужрад туж шуныт ортчиз. Котькинлэн но мылкыд каронэз та кылъёсын тупаз: «Нянё улыны мед кылдоз!» Кин ке но сое сцена вылын вераз, нош кин ке но ас мылкыдаз…

Гульсина Гарипова

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: 250