Хезмәт

Дугдытэм ужзэ азинтӥз

Администрациез общественностен юн герӟаса возись общественной район совет аслэсьтыз ужзэ выль составен выльысь кутскиз.

Та совет асьме районын 2007-тӥ арын кылдытэмын вал но, председателез дано шутэтсконэ кошкемен, берло аръёсы аслэсьтыз ужзэ дугдытыса улӥз. Табере президиумлэн председателезлы «Хезмэт» газетлэсь валтӥсь редакторзэ Вакиф Закиевез бырйизы, воштӥсез районысь ветеранъёслэн советсылэн председателез Рифат Абдуллин луиз, секретарез «Хезмэт» газетысь журналист Зульфия Шакирова тодмоямын. Комиссилэсь составзэ выльдыса, выльысь юнматӥзы. Огъя вераса, социально-экономической, экология, улон инфраструктураосъя, калык кусыпъёсъя, общественной экспертиза ужпумъёсъя 4 комиссия кылдытэмын, председательёсы Ильшат Нуриев (Балтась йӧл-вӧй комбинатлэн директорез), Фердинант Хайруллин («Кызыл юл» обществолэн кивалтӥсез), Зялиль Фазлыев (район мулла, Татарстанысь мусульманъёслэн управлениысьтызы валтӥсь кадий), Васил Шакиров (гимназилэн директорез) тодмоямын. 20-тӥ март нуналэ совет выль составен кыкетӥ люкаськонзэ ортчытӥз. Районын улӥсь Быдӟым Отечественной ожысь ветеранъёслэсь, соослэн палкышнооссылэсь улон условиоссэс умоятон ужпумлэн быдэсъяськемез, секыт югдуре кылем нылпиосын ужан, советлэн мукет кварталлы планъёссы эскериськизы. Со ужпумъёсъя районысь социальной дурбасьтонъя отделлэн кивалтӥсезлэсь Алсу Гатиятуллиналэсь, район исполкомысь лэсьтӥськонъя но архитектурая отделлэн кивалтӥсезлэсь Ильфат Сагдиевлэсь, быдэ вуымтэ нылпиосын ужанъя комиссилэн секретарезлэсь Алсу Зиятдиновалэсь, опекая но попечительствоя секторлэн валтӥсь специалистэзлэсь Минназия Габделхаковалэсь докладъёссэс кылзӥзы, малпанъёссэс веразы, ӵектонъёс пыртӥзы. Советлэн председателез Вакиф Закиев аслаз выступленияз, быдэстоно ужпумъёс вылэ дугдыса, советлэсь ужзэ умоятыны кулэ шуыса пусйиз. Учреждениосын ужлэн ӟечлыкезлы общественной экспертиза ортчытозы. Заседаниын вань удысъёсын герӟаськем ужпумъёс трос ӝутэмын вал, кылдытэм ньыль комиссия но та ӧрын ужъёс быдэстыса, районлэн кивалтӥсезлы пайдаё ӵектонъёсын потоно шуэм ӟеч малпанэн ужзэ азинтоз.

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: