Хезмәт

Ӟеч уж лэсьтӥз

Кылем арын Биктеш гуртын черк усьтӥськиз. Та гуртын вордскыса будэм, туннэ нуналэ Малмыж городын улӥсь Геннадий Васильев лэсьтӥз сое. Районын та ужбергатӥсьлэн тыршеменыз лэсьтэм нырысетӥ черк.

Та черк гуртоосты, егитъёсты вӧсь сюресэ кыскон понна бадӟым юрттэт сётоз шуыса, оско арлыдоос.
- Али отчы дасо песяйёс ветло, кык арнялы огпол М.Лызи черкысь отец Александр служба ортчытэ. Куное бертӥсьёс но пырало, висисьёс но лыктыса, сюсьтыл пуктыса кошко. Лыктэм котькинэ пыртӥсько, - шуэ черк ужаны кутскем дырысен сое утялтыса, эскерыса улӥсь Нина Иванова. - Гуртамы черк лэсьтозы шуыса оскымон но ӧй вал. Инмарлы тау, азьло фундамент вылэ Геннадий тани та паймымон юртэз ӝутӥз. «Ачим таза дыръя черк лэсьтытэме потэ» шуыса ветлэм вылэм со. Ваньзэ-ӧвӧлзэ ӝыны арскын вуттӥзы. Бугрозэ Кировын ӵупыса вайиз, асьме гуртысь пиос ужазы. Юрттэт мед луоз шуыса, одӥг коньы уксё басьтытэк ужазы. Нуназе кулэ луиз ке - нуназе, ӝыт ӧтизы ке, ӝыт лыктӥзы. Вань ужъёсын Валерий Михайлов кивалтыса улӥз.
Лэсьтӥськонъя техникумез йылпумъямез бере бускель Киров улосысь Малмыж городэ интыяськыса кылем Геннадий, нырысетӥ луонлык кылдыку ик, ужбергатон борды басьтӥське. Нырысь лэсьтӥськон материалъёсын вузкаре, улыса-вылыса корт изделиосты лэсьтыны кутске. Собере пластик укноосты лэсьтон борды басьтӥське, коркаос лэсьтонэн выре. Вань та направлениосъя туннэ но ужзэ азинтэ. Малмыжын гинэ ӧвӧл, Киров улосын тодмо луэ. Туннэ Малмыж городлы шуныт сётӥсь дас куинь котельноез вань. Коллективаз ньыльдон мында адями ужа. Спонсор ужен но выре ужбергатӥсь. Та ласянь но Малмыжын тодмо луэ. Шудтэм учыре шедем гуртоосызлы но нырысетӥос пӧлын луыса юрттэ. Гурт шайвылэз, школаез кенерен котыртэм. Кык миллион 700 сюрс манет тыр усем черк но быдэсак солэн уксёеныз лэсьтэмын. Та гужемлы Геннадий Васильев выль планъёсын улэ. Черкез заборен котыртыса, гырлы жугон инты ужатыны дасяське.
Черк пусъе
7 апрель - Дун-чылкыт Христос Анайлы Мариялы Ӟеч Ивор Веран - Благовещение.
12 апрель - Кулэм Лазарез сӥлы карон нунал.
13 апрель - Ин Эксэймылэн Иерусалиме пыронэз - Пучыарня.
13-19 апрель - Страстной арня, Иисус Христослэсь курадӟемъёссэ тодэ вайыса вӧсяськон нуналъёс.
20 апрель - Иисус Христослэн улӟыса султэмез - Быдӟымнунал (Акашка, Паска).
20-26 апрель - Югыт арня.
29 апрель - Радоница (Родительской нунал).

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: