Эшъяськон нылпиосты огазея (+фото)
Кемалась ӧвӧл Покчи Лӧзя нылпи садын «Покчи нылпиослэн полилингвальной средаын тодон-валан тунсыкъёссэс азинтон» темая бадӟым семинар ортчиз.
Ужрадэз радъязы ёросысь дышетонъя управлениысь методист Гульнара Фирдависовна Нутфуллина но Покчи Лӧзя нылпи садлэн кивалтӥсез Лилия Даулатзяновна Низамова. Семинарлэн ужаз пыриськизы Балтась удмуртъёслэн «Кенеш» НКА-зылэн правлениезлэн тӧроез Ольга Пчельникова но ёросысь ӟучъёслэн лулчеберетъя йӧскалык огазеяськонзылэн кивалтӥсез Анастасия Данилова.
Покчи Лӧзя нылпи сад трос йӧскалыкысь пиналъёсты огазея, отчы ветло удмурт, ӟуч но бигер нылпиос. Озьы семинарын нылпи садысь визьнодасьёс полилингвальной средаын ужан опытэнызы вошъяськизы, пӧртэм калык но визьбур (интеллектуальной) шудонъёс пыр соос возьматӥзы, кызьы пиналъёсты ас калыксэс но мукет калыкъёсты гажаны но ог-огзэс яратыны дышетыса визьнодало.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев