Хезмәт

Генералэн пумиськон

Балтасьысь культурая центрын Татарстан Республикаысь военной комиссариатлэн кивалтӥсез Сергей Погодин Балтась но матысь районъёсысь военной комиссариатъёсын ужасьёсын, егит пиосын, призывникъёсын, соослэн анай-атайёсынызы пумиськиз.

Соосын нимаз-нимаз но вераськиз, трос юанъёслы ответъёс сётӥз. Пумиськонэ лыктэм кӧня ке адямилы районамы генераллэн лыктэмез пумысен малпанъёссэс юаса гожтоно кари.
Рамис. 17 арес. Асьмелэн пичи гинэ Балтасямы но генерал мед лыктоз али. Данъяськон ук та. Кык-куинь пол бадӟым луэм Высокая Горае, Арчае, Кукморе ӧвӧл, асьме доры, Балтасе лыктэм ук. Армие мынытэк умой луоз шуыса ветлӥсько вал. Нош табере малпанъёсы воштӥськизы. Служить карыса берто. Оло, контракт гожтыса но служить каро али.
Фаиль. 53 арес. Ачим но солдат вал. Германиын служить кари. Генералэз адӟыса, малпанъёсы со служить карон аръёсы вуттӥзы. Одӥг арскын пие школаез йылпумъя. Анаез кызьы ке но кельтоно шуыса ветлэ. Ӧвӧлэн йырез висьытоно ӧвӧл. Мед мыноз. Тӥни ук, генерал армиын радлык арысь аре умоя шуэ. Асьсэос визьмо луизы ке, ӧжыт ке но улонэз адӟыса бертозы.
Ильдар. 24 арес. Армиын служить карыса бертӥ ини мон. Генерал лыктэ шуэм иворез кылыса, гуртысен лыктӥ. Служить карем аръёсме тодам ваё али шуи. Кышноелэсь вуоно аре армие мыноно вынзэ но ваи. Военной дӥськутэн адямиослы мед дышоз шуи.
Айгуль. 25 арес. Военной дӥськут пиосмуртъёслы тужгес но кельше ини. Со дӥсен пи ачиз но туж дӥсьтӥсен адӟиське. Огшоры гинэ нылъёс азьло дыръёсы военнойёслы синмаськымтэзы, дыр, шуыса малпасько. Генерал лыктэ шуэмзы бере, армие мынонэ ӧвӧл ке но, лыктӥ али. Та пумиськонэ егитъёслэн зэмос егитъёсыз гинэ лыктӥллям кадь.

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: