Хезмәт

Балтач районы

18+
2024 - Гаилә елы
Азьлане

Герӟет котькуд нунал кулэ

Балтась районысь электросвязья центр экономика ласянь бадӟым азинсконъёсы вутске. Кылем арын 69 миллион 320 сюрс манет тыр юрттэт сётэмын. Та, 2012-тӥ арен ӵошатыку, 9,8 процентлы тросгес. Доходъя план - 3 миллион 584 сюрс, чылкыт прибыль басьтон 3 миллион 397 сюрс манетлы мултэсэн быдэстӥське.

2013-тӥ арлэн пумаз телефон абонентъёслэн лыдзы, 89-лы будыса, 8177 луэ. Районын 100 адямилы 25 стационарной телефон аппарат тупа. Котькуд 10 коркалэн 8-аз телефон вань шуэм кыл.
Кылем арын лэсьтӥськон, ремонт ужъёслы но бадӟым саклык висъяськем. Вылын Шубан, Ушма, Шуда гуртъёсысь АТС-ёсы вылӥ ӟечлыко кабель кыскемын. Нурмаысь выль микрорайонын, Балтасьын Зоя Космодемьянская урамын, Янгулын но Шишинерын лэсьтӥськон но капитальной ремонт ужъёс быдэстэмын. 5 шор ёзо школае, Интернетлэсь луонлыкъёссэ умоятон вылысь, ӟечлыко кабель кыскемын. Халиль Гарифзянов, Дамир Загидуллин, Марат Мардян, Динар Бариев но Ильфат Ахметханов капитальной ремонт ужъёслэн азинлыко мынэмазы нимаз ик бадӟым люкет пырто. Герӟетын (узелын), ортчем аръёсын ӵошатыку, трос ужпумъёсъя азинскон вань. Интернет вотэсъёсын пайдаяськисьёслэн лыдзы, ӝыны ар понна гинэ но 604-лы будыса, 5719 абонент луиз. Хозяйствоослэн лыдзы ласянь Интернет порталъя районмы республикаын нырысетӥ инты басьтэ. Али дыре районын 2466 хозяйство телевизионной передачаосты «Таттелеком»-лэн абонентэз луыса учке. Интерактивной телевидениен герӟаськонъя туэ 1-тӥ кварталлэн планэз но кык толэзь куспын ик быдэстэмын.
Туннэ нуналэ районысь электросвязья центрын 46 адями ужа. Одӥг ужасьлы 173 телефон аппарат тупа. Одӥг аппаратлы басьтэм аръем доход 8267 манет луиз ке, чылкыт прибыль 3458 манетлы вуэм. Одӥг ужасьлы толэзьем доход 122 сюрс 260 манет луэ. Туннэ 1 манет уксё ужан понна 61 коньы уксё кутӥське, рентабельность - 39 процент.
Коллектив районлэн бюджетаз но бадӟым люкет пыртэ. Кылем арын, Пенсиосъя фондэз но пыртыса, 3 миллион 981 сюрс манет тыр вытъёс тыремын.
Герӟетлэн кивалтӥсез Рафиль Хисамиев, берло 5 арлэн показательёсыныз ӵошатыса, коллективлэн ужамезлы пыр-поч анализ лэсьтӥз (туспуктэмын). Котькуд ӵошатоназ ужаса вуттымтэ ужъёс, азьпаллы планъёс, проблемаос рос-прос возьматэмын вал.
Туэ Атня АТС-э вылӥ ӟечлыко кабель кыскон, Балтасьысь калык пӧлын «Южный» нимын тодмо луэм выль микрорайонын, Ура, Бурбаш гуртъёсын лэсьтӥськон но капитальной ремонт ужъёсты ортчытыны чакламын.
Туэ «Таттелеком» открытой акционерной обществое GSM-1800 стандартэн ужась сотовой связья операторъёс пӧлын LTE, яке вылӥ ӝоглыкен Интернетэн герӟаськон понна Россиын нырысетӥ лицензия сётэмын. Тая компаниен ар пумозь республикаын 700 базовой станция лэсьтон планэ пыртэмын. Соослэн 22-ез Балтась районын луозы. 6-ез пуктэмын, ужа ини. Вань базовой станциос понна но музъемъёсты оформить карон, электроэнергиен герӟан ужъёс но вылӥ ӟечлыко кабель кыскон - герӟет азьын сылӥсь кулэ ужпумъёс.
Связьын ужасьёслэн люкаськоназы районлэн главаез Рамиль Нутфуллин но лыктэм вал. Соослэсь ужзэс вылӥ дунъяса, та коллектив ужаку, районын нунал потэм кулэ луись связья услугаослэн но Интернетлэн эшшо но умойгес луэмезлы оскемзэ вераз.

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: 250