Гурезь бамын нискыламы (фото)

Тӥни озьы одӥг шулдыр тол нуналэ, нылпиосын, классэн кивалтӥсенымы но анай-атайёсын люкаськыса, мынимы нискыланы. Туж шулдыр но пайдаё ужрад луиз та. Нылпиос но, анай-атайёс но мылысь-кыдысь шутэтскизы, гурезь бамысен нискылазы, пӧсь чаен шунтскизы. Зэмзэ ке верано, кынмыса сылӥсез ӧй вал ик. Ваньмылы кельшиз та ужрад. Ӵемгес мед луысалзы сыӵе люкаськонъёс. Мынам малпамея, соослэн кулэлыксы туж бадӟым. Туала дыре, улон сьӧры дыртыса куддыр аслэсьтыд нылпидэ но ӵукна сайкам бераз но ӝыт изьыны выдыкуз гинэ адӟиськод, мар веранэз - куддыр вераськыны но дыр ум шедьтӥське. Нош та выллем ужрадъёс, ӧжыт ке но вис карыса, нылпиослы анай-атайёсынызы валче шутэтскыны луонлык сёто. Мазэ веранэз, анай-атайёслы матынгес тодматскон, пиналъёслы юнгес эшъяскон понна но соос туж пайдаё луо.

Покчи Лӧзя школаысь 5-тӥ классын дышетскись пиналъёслэн анай-атайёссылэн нимынызы Ольга Плотникова.