Хезмәт

Балтач районы

18+
2024 - Гаилә елы
Азьлане

Гурт шорын — обелиск

Гуртысь потэм котькуд кивалтӥсь аслаз вордскем гуртэз сярысь ке но сюлмаськысал ке, кӧня гуртъёсмылы улыны мылкыд сётысалзы, кӧняезлы ӵуказе нуналлы оскон кылдытысалзы.

Инмарлы тау, районысьтымы калыкез, гуртооссэ шумпоттыса, синмаськытыса улӥсь быгатӥсь пиос трос потӥллям. Туннэ веранмы Арбор гуртын ож лудын быремъёслы, вормыса бертэм гуртооссылы сӥзьыса ӟеч уж лэсьтэм - обелиск пуктэм - адямиос сярысь.
Арборлэн аслаз пиосыз - та дырозь но ӟеч ужъёсынызы гуртоосыз пӧлын гажамон луэм Мухаммат Гатиятуллинлэн, туала вакытэ будэм кивалтӥсь Роберт Закиевлэн коньдонэн юрттэменызы та гуртын ньыль ар талэсь азьло выль обелиск пуктӥллям вал.
- Азьлоез обелиск зэмзэ но вужмем вал ини, интыез но ӟоскыт вал... Кулэлыксэ валамы ке но, кооперативлэн, гурт калыклэн кужыменыз гинэ ужаны уз луы шуыса, ӧм дӥсьтэ, - шуэ «Арбор» обществолэн кивалтӥсез Хамит Баязитов. - Вылӥ постъёсын ужась гуртоосмылэн кичӧлтэмзылы ваньмы но шумпотӥмы. Вуоно обелисклы умой инты бырйизы: огпалан школа, мукет палаз нылпи сад. Визьнод сётон ласянь макем мур пуштрос сётэмын, шуыны кулэ. Мукет сямен луыны но уг быгаты, ож лудэ быремъёслы обелиск гуртлэн шорсюлмаз, котькинлы саклык висъямон интыын, сылыны кулэ уга. Горд мраморлэсь луэмез но мур пуштрос сётэ. Вормон орденэн, гуртооссылэн ним-фамилиосынызы пулъёс... - гуртооссылы туж бадӟым кузьым луиз.
Эшшо одӥг Арбор пилэн, тодмо кылбурчи Гарифзян Мухамметшинлэн но лэсьтэм ӟеч ужез, кулэлыкез ласянь, вылӥ дунъет басьтымон. Со ож лудын бырем вань гуртооссэ шараян уж борды басьтӥськем.
- Асьмелэн ӵем гинэ «Нокин но ӧз вуны, номыр но ӧз вуны», - шуыса вераны ярато. Та чик но озьы ӧвӧл. Жугиськонэ кошкыса ышемъёсты шараяно но, шараяно али. Малы, шуиськоды-а? Вералом, жугиськон кутскытозь кудӥз армиын луэм, кудӥз кӧчыса, кудӥз шуд утчаса гуртысь кошкем. Шаеръя таркаськем улосчиосмы жугиськонэ улэм интыосысенызы кошкиллям ук. Соос сярысь «бырем» яке «ивортэк ышем» шуэм ивор но отчы вуэм. Мынам тӥни со гуртоослэсь нимъёссэс пыраклы выль обелиске гожтэме потӥз, - шуэ Гарифзян агай. - Туж трос архивъёсын утчаськыны тупаз. Тодӥськоды-а, бератаз та список 50-60 процентлы (!) будӥз. Лыдъямея, али та но берпум лыдпус ӧвӧл...
Туннэ интыысь аскивалтон ёзэсын ужасьёс та пулъёсы берло аръёсы шараям эшшо куамын мында нимъёсты гожтон бордын ужало.

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: 250

2
X