Хезмәт

Балтач районы

18+
2024 - Гаилә елы
Азьлане

Калык сямъёс

Вашкала дыръёсы удмуртъёс юмшан нуналъёсты бырйылӥзы шундылэн бергамезъя.

XVI—XVIII дауръёсы христианство вӧлмыны ӧдъям бере та калык сямъёс воштӥськизы — шулдыръяськонъёсты удмуртъёс черклэн праздник нуналъёсызъя тупатӥзы. Озьы вожодыр герӟаськиз Ымусьтонэн но Йӧвылэпотонэн.

Тросэз малпало: вожодыр герӟаськемын “вож” кылэн. Со шонер ӧвӧл. Вожодыр арысь аре выжонэз возьматэ. Пересьёслэн мадемзыя, ӵапак та вакытэ, пе, пото вожоос — сопал дуннее кошкемъёс, сьӧд кужымъёс. Одӥг ар йылпумъяськемын, мукетыз — ортчымтэ на. Кулэмъёс калго адямиос пӧлтӥ, учко соосты сӥлы каремзэс.

Вожо дыръя дӧдьы яке карнан лэсьтыны уг яра вылэм — нуныед, пе, висись вордскоз. Кут кутанлэсь но адямиос возиськылӥзы — пиналыд кырыж куко, пе, луоз. Озьы ик та нуналъёсы уг яра мунчое пырыны, бадӟым уж борды басьтӥськыны. Вунэтоно ӧвӧл созэ но: вожодырлэн берпуметӥ нуналаз — 18-тӥ январе — ву вылтӥ потано ӧвӧл.

Котькуд коркан пӧртмаськисьёсты шуныт пумитаны тыршизы. Лыдъяло вал уго, пӧртмаськисьёс, пе, корка пушкысь черъёсты, сьӧд кужымъёсты улляло, пӧртэм ужъёсын пайда ваё, пинал вордыны, пудолэсь лыдзэ йылэтыны юртто. Пӧртмаськыса ветлӥсьёс корка пыремзы бере тэтчало, кырӟало, бодыен дыбырто. Со понна адямиос соослы ческыт сиён сёто. Но пӧртмаськисьёс та пӧраськемен асьсэлэсь кӧтсэс тырыны уг дырто — пудозылы сюдо: со медаз висьы, мед йылоз. Пӧртмаськыны куинь пол потано, шуо. Коркась корка пырано, шурлэсь кудпала быземзэ чакласа.

Вожодырлэн вань на эшшо одӥг тодметэз — Ымусьтонысен кутскыса Йӧвылэпотон нуналозь тунаськон. Азьланьын улонзэс тодыны тыршизы ваньзы: пересез но, пиналэз но. 13-тӥ яке 18-тӥ январе тунаськон уката зэма — сьӧд кужымъёс, пе, соку тужгес шаплыесь луо. Но тунаськоно ӝикыт, шуозы вылэм пересьёс, иське шузимыны но кема ӧвӧл.

Библиез учконо ке, тунаськон — со сьӧлык. Но вашкалаос куаретылӥллям: вожо дыръя гинэ тодыны тыршы азьланьын улондэ. Собере вожодырлэн берпуметӥ нуналаз — Йӧвылэпотонэ — одно ик гылтӥськы вӧсям вуэн. Озьы выль ардэ кутскы чылкыт мугорын, сайкыт малпанъёсын.

19-тӥ январе астэ гинэ ӧвӧл, юртъердэ но чылкытатоно. Та нуналэ ӵукна, шур дуре мыныса, йӧ вылэ тӥрен кирос лэсьто, со интые люкмес корало. Ӵапак соку вожоос, пе, ву улэ кошко.

(«Азьлане», 2008 ар, № 2)

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Оставляйте реакции

1

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: Калык сямъёс