Хезмәт

Каньыл улон котькинлы кулэ

Балтась район прокуратураын бадӟым кенешон ортчиз. Отчы пыриськизы районысь прокурор Зуфар Абитов, внутренней ужъёсъя отделлэн начальникез, полициысь полковник Равиль Тазетдинов, Татарстанысь мусульманъёслэн валтӥсь казийзы Зялиль Фазлыев, Кышкыттэмлыкъя федеральной службалэн районысь кылкутӥсь ужасез, районысь религиозной огазеяськонлэсь ужзэ координировать карись Советлэн кивалтӥсез, район газетлэн валтӥсь редакторез Вакиф Закиев, район Советысь но солэн...

Кенешонын правонарушениосты, экстремизм но терроризм учыръёсты алон, районын религиозной объектъёсын кышкытлыклэсь утиськонъя куронъёсты утён, оскон юртъёсты но интыосты закон ласянь юнматон но районын миграцияя куронъёслэн быдэстӥськемзыя ужпумъёс эскеремын вал.
Заседаниын пусйыса верамын вал, районамы пӧртэм калыкъёс куспазы тупаса, одӥг семья луыса уло, межконфессионной кусыпъёс шӧдскымон мур выжыё, калыкъёслэн культуразэс, кылзэс, сям-йылолъёссэс утён понна луонлыкъёссы вань шуыса.
Туннэ районын 40 мечеть, Покчи Лӧзя, Ципья но Биктеш гуртъёсын черкъёс ужало. Мечете ялан ветлӥсьёслэн лыдзы - 856 мурт, та районын улӥсь бигер калыклэн 3 процентэз луэ. Черке ялан ветлӥсьёс - 70 мурт. Та удмурт, ӟуч но пор калыклэн 2 процентэз луэ.
Ужрадын кадръёсын герӟаськем ужпумъёслы но саклык висъямын вал. Егит муллаослы грантъёс чотын юрттонъя государственной программа ужаны кутскиз. Районысь 8 егит муллалы грант сётон (республикая учконо ке, тужгес бадӟым лыдпус асьме районын) егитъёсты та ӧре кыскон понна бадӟым стимул луоз шуыса оскон вань.
Район администрациен ӵош пожарной кышкыттэмлыкъя сигнализациосты интыянъя, интыосты но юртъёсты закон ласянь юнматонъя паськыт ужъёс быдэстыны чакламын.
Ужрадын эшшо одӥг ужпум эскеремын вал. Со миграция, мукет сямен вераса, кӧчыса бертӥсьёсын герӟаськем проблема. Районмылэн социальной улоназ бадӟым инты ӧз басьты ке но, та ужпумлы калык мылкыдтэм луыны кулэ ӧвӧл. 2008-тӥ арысен кутскыса, 1500-лэсь трос адями асьме районысь миграцияя орган пыр ортчиллям. Кӧчыса лыктэмъёсты чик ӝоже уськытэм потытэк гинэ созэ пусъеме потэ: палэнысь бертэмъёслэн, огъя вераса, малпанъёссы но, улон, интыысь адямиос, мукет осконэз утисьёс шоры учконзы но аспӧртэмлыко. «Зэмос оскон», «дун чылкыт оскон» шуыса пропаганда нуонэз но, со осконзэс вылӥе пуктонэз но алыны кулэ. Палэнысь бертэм адямиос но семьяос асьсэ ужъёсынызы но асьсэды воземенызы, район калык куспын кылдэм валче эшлыко но тупаса улон сямъёслы, кусыпъёслы пумит мынытэк, огъя улонэ асьсэлэсь люкетсэс пыртыны кулэ шуыса пусйыса верамын вал.

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: