Хезмәт

Кионъёс.

Ӝоген бигер калыклэн дано пиезлы поэт-геройлы Муса Джалильлы вордскемез дырысен 109 ар тырмоз. Сое буре вайыса, удмурт кылэ берыктэм "Кионъёс" кылбурзэ лыдӟыны дэмласько. Со туала дырлы но туж тупа.

Вир кисьто калыкъёс ожъёсын,
Чигисько улонъёс сюрсъёсын.
Кионъёс сиён зын шӧдыса,
Быдэс уй калгыло вузыса.
Кӧня вир, кӧня выль ыбем сӥль!
Ӝуало кионлэн синъёсыз.
Та одӥг лек ожлэн бервылыз,
Виисьёс - асьсэос калыкъёс.
Сьӧсьёслэн бадӟымзы, мӧйыез,
Адями вир зынэн кудӟыса,
Ветлонъяз куалектӥз но дугдӥз,
Вӧзысьтыз ӝуштэмез кылыса.
Сӧсырмем висьыса уйбыртэ,
Пыкъяське кызьпуэ йырыныз.
Анай кадь жаляса егитэз,
Писпу вай йӧтскылэ мугораз.
Бӧрдыло жаляса егитэз
Котырысь сяськаос, турынъёс.
Возь вылын со ӧвӧл лысвуос -
Киськемын сьӧлыктэм синвуос.
Йыр кион ожчиез зынъялляз,
Паймыса синъёсаз учкылӥз.
Собере малы ке кескентэк,
Со кошкиз сӧсырез йӧтытэк.
Сӧсырлэн курадӟись шокамез
Шуккиськиз кионлэн сюлэмаз.
Кион ӧз, со ӧз йӧт, сак гинэ
Берытскиз, вамыштӥз палэнэ.
Ӟардон пал нош муртъёс вуизы,
Сӧсырмем егитэз учкизы:
Ӝыныя йырсазё солдатлэн
Ӧжыт вань осконэз улонлы.
Вуэмъёс солдатлэн мугораз
Ӟырдатэм шомполэн бышказы.
Чидантэм тэльмыртэм беразы,
Та тӧдьы кызьпуэ ошизы.
Вир кисьто калыкъёс ожъёсын,
Чигисько улонъёс сюрсъёсын.
Кионъёс сиён зын шӧдыса,
Быдэс уй калгыло вузыса.
Кионъёс, ма... Бен со кионъёс...
Кышкытгем кык пыдо пӧйшуръёс.
(берыктэмын меӵак бигер кылысь)
Фото: http://vk.com/wall-28740804?own=1&offset=1160

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: