Кӧнялы будэ

Озьы Балтасьын шоро-куспо пенсилэн быдӟалаез 9280 манет 41 коньы луэ. Со ик дыре ар ӵоже гражданъёслэн пенсизылэн быдӟалаез азьло сямен ик регионын улӥсь пенсионеръёслэн улон минимумзылэсь ӧжыт уз луы. Татарстан Республикаын 2014-тӥ арын со 5912 манет шуыса тодмостэм.

1-тӥ апрельысен арлыдъя, инвалидностья но сюдӥсьсэ ыштэмъя сётӥськись трудовой пенсилэн быдӟалаез 1,017 (яке 1,7 процент), социальной пенсиос 1,171 (яке 17,1 процент) коэффициентлы будо. Нимаз категориысь адямиослы (ЕДВ басьтӥсьёс, Советской Союзлэн Геройёсыз, РФ-лэн Геройёсыз, Слава орденлэн полной кавалеръёсыз но соослэн семьяоссы, Социалистической Ужысь Геройёс, Трудовой Слава орденлэн полной кавалеръёсыз) тырон но 5 процентлы будоз. Озьы ик социальной услугаослэн быдӟалазы но 5 процентлы будэтыса лыдъяськоз.