Коррупция нылпиослэн синмынызы

Шумпотымон, пыриськыса гинэ уг буйгатско, призо интыос но басьто, синпель кузьымъёсын но пусйисько. Тани кемалась ӧвӧл гинэ йӧскалык компонентэн школаосын тодон-валан басьтӥсь нылпиос пӧлын ортчытӥськем «Коррупцилы «ӦВӦЛ!» шуом» творческой ужъёсъя элькун конкурсын но асьме пиналъёс выльысь призо интыос басьтӥзы. Покчи Лӧзя шоръёзо школаын 10-тӥ классын дышетскись Анастасия Артемьева, удмурт кылын сочинение гожтыса, вормись луиз, нош Шор Кушкет школаысь 11-тӥ классысь Алина Аксакова со ик номинациын 3-тӥ призо интыез басьтӥз. 4-тӥ толсуре та конкурслы йылпумъян лэсьтыса, Казань Кремльын сӥё-дано ужрад ортчиз. Нылъёсты но дышетӥсьёссэс — О.М.Пчельниковаез но О.Е.Никитинаез — сюлмысь ӟечкыласьком но азьланяз но вормонъёс сӥзиськом.