Куатьтон укмысэтӥез Вормон нунал
Вордскем шаермы 69-тӥзэ Вормон нуналэз пумитаз. 9 мае 69-тӥзэ ӵук шунды серектӥз, нунал вордскиз.
1945-тӥ ар. 9 май. Та нуналысен трос аръёс ортчизы, трос вуос кошкизы ке но ини, макем со вакытлэсь кыдёкегес кошкиськом, сокем бадӟым дунъет басьтэ гитлер войскоосты пазьгем советской солдатъёслэн, асьме калыклэн вунонтэм бытырлыксы. Та батырлык адямиослэн сюлмазы возьмаське но, возьмаськоз но.
Районмы 12 сюрс мында адямизэ фронтэ келя, соос пӧлысь 5981-ез пыраклы ож лудэ выдыса кыле. Мазэ веранэз, вордскем шаеразы бертэмзы бере но тросэз кулӥзы ни. Туэ Вормон праздникез ваньзэ-ӧвӧлзэ 41 ветеран гинэ пумитаны быгатӥз. Организаторъёс Быдӟым Вормон праздникез арлы быдэ вунонтэм карыны тыршо. Туэез но ужрад вунонтэм суредъёслы туж узыр луиз. Татын культура, дышетон, социальной дурбасьтонъя отдел но мукет удысын ужасьёслэн люкетсы туж бадӟым.
Ожысь ветеранъёс арлы быдэ сямен районысь военной комиссариатэ люкаськизы. Отысен соос Батыръёслэн аллеяязы сюрес кутӥзы. Батыръёсты отставкаын луэм военной службаысь ветеранъёс, афганецъёс келяса мынӥзы. Ож лудысь нюръяськонэз но тылысь улонэз возьматэм суредъёс мӧйыослэсь тодэ ваёнъёссэс выльысь выльдӥзы, дыр, нош милемыз со дыре вуттӥзы.
- Аръёс ортчемъя та шимес жугиськон кыдёке кыле. Жугиськон сярысь тӥляд верамъёстыя гинэ кылыса тодӥсь егит поколение но будыса вуиз ини. Тӥляд бадӟым улон опыттылэн, батырлыктылэн примераз гинэ ми ӟеч сюлэмо егит поколение будэтыны быгатомы, - шуиз районлэн главаез Рамиль Нутфуллин, торжествое лыктэмъёсты праздникен ӟечкыласа. Районлэн военной комиссарез Ильфат Гайфетдинов но ӟырдыт ӟечкылан кылъёссэ вуттӥз. Казаньысен лыктэм куно ТР-лэн Президентэзлэсь Рустам Миннихановлэсь ӟечкыланзэ лыдӟиз.
Вормон нуналэз матэктытон, немец фашистъёсты пазьгон понна улонзэс жалятэк нюръяськем ветеранъёслэн батырлыксы, юн мылкыдзы азьын йыбырттӥськом - тӥлесьтыд адӟем кариськомы, тӥледлы синмаськиськомы, тӥледын данъяськиськомы!
.jpg)
.jpg)
.JPG)
.jpg)
.JPG)
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Иң мөһим һәм кызыклы язмаларны Татмедиа Telegram-каналында укыгыз
Телефон АО «ТАТМЕДИА»: (843) 222 09 84