Балтасьысь мировой судлэн нырысетӥ номеро участоказ арнялы быдэ ГИБДД-ысен кыӵе ке но уж вуэ.
Кылем арын 24-тӥ октябре Нурма гуртын улӥсь Габнасиров Д.-лы, ӝоглыксэ будэтэмез понна, 500 манет штраф понӥллям. Тырымтэ. «Вунэтӥськем», - шуиз со суд заседаниын. Таӵе вунэтон сямыз понна ватсаса 1000 манет штраф сётӥзы.
Балтасьысь Тазетдинов Д. ӧпкелиз, улонысь чыры-пыры сюлмаськонъёсын сэрен вунэтӥськем шуыса. Законэз пыр-поч валэктэмез бере, судья Зухра Мухамметзянова сое но штрафе кыскиз. Кылем арын сюрес вылын кулэ кусыпез утьымтэез понна сётэм 1500 манет штрафез вылэ эшшо 3000 манет штраф ватсаськиз. Сюрес вылын ветлон правилоосты быдэстымтэез понна понэм 1000 манет штрафез но тырымтэ вылэм. Соиз вылэ но эшшо 2000 манет ватсаськиз. Тӥни озьы одӥг нылпи будэтӥсь атайлэн семья бюджетысьтыз, 2500 манет интые, 7500 манет уксёез кошке.
Фото: http://www.foger.net/sitemap
