Куличлэн кылдэмез
Вашкала преданиея, Иисус Христос, улӟыса султэмез бере, сиськон вакытъёсазы апостолъёс доры лыктылэ, пе, вал. ӝӧк тӧрын солы инты кельто но Иисуслы шуыса нимысьтыз нянь пукто вылэм.
Пумен сыӵе традиция кылдэм - Быдӟымнунал дыръя черке нянь кельтыны кутскиллям (грек кылын со нянь «артос» шуыса нимаськем). Сое кельтылӥллям нимысьтыз ӝӧк вылэ, апостолъёс выллем. Со нянез котькуд черкын, храмын уй Литургия йылпумъяськем бере вӧсяло. Югыт арня ӵоже артосэн черкез котыръяло, нош шумотэ, бакель каремзы бере, сое оскисьёслы сётъяло. Озьы семья куспын но сыӵе сям кылдӥз - котькуд семьяын аслаз артосэз луыны кулэ. Кулич ӵапак сыӵе нянь луиз (грек кылысь kollikion - котырес нянь) - сдобной ыльняньлэсь цилиндр формаен ӝужыт нянь.
Кулич
Кулэ луоз: 6 стакан пызь, 6 курегпуз, 0,5 литр йӧл, 1,5 стакан сакыр песок, 300 г маргарин, изюм, ванилин.
Ыльнянь лэсьтон понна вань компонентъёс шуныт луыны кулэ. 0,5 литр йӧлэз кисьтӥськом бадӟым тусьтые, ватсаськом 3 стакан пызь - сураськом. Собере та массаез 1,5-2 часлы пуктоно шуныт интые (кык поллы мед ӝутскоз шуыса). 6 курегпузлэсь ӵужзэ 1,5 стакан сакыр песокен тӧдьы шукы потытозь шукконо, ванилин ватсано но ыльнянен сурано. 300 г маргаринэз шунтоно но ӝынызэ гинэ ыльняне ватсано. Курегпузлэсь тӧдьызэ нимаз шукконо но озьы ик ыльняне ватсано. Эшшо 3 стакан пызь ватсаса, ыльнянез нырконо. Собере тусьтые пононо но нош ик 1,5-2 часлы шуныт интые пуктоно. Миськем, быректэм вуын возем изюмез ӵушконэн ӵушылоно, пызь пушкын погылляно но ыльнянь пушкы нырконо. Ыльнянез вӧйын маллям, пызен пызьнам формаосы тыроно. …жытак возёно.
Духовкаын пыжоно (температураез 150 градуслэсь вылӥ медаз луы) 1,5 час. Ческыт мед кошкоз!
Фото: http://sch2mail7.blogspot.ru/2012/04/blog-post_11.htm
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Иң мөһим һәм кызыклы язмаларны Татмедиа Telegram-каналында укыгыз
Телефон АО «ТАТМЕДИА»: (843) 222 09 84