Хезмәт

Культуралэсь арзэ «Паркъёслэн но скверъёслэн» арзы воштэ.

2014-тӥ ар - республикалэн историяз культуралэн арез луыса кылиз. Районын гуртъёсысь клубъёслэсь материально-технической базазэс юнматонъя трос ужъёс быдэстӥськизы, соослэн ужзы нош но умояз, та уж туэ но азинтӥськоз шуыса, оскыны кулэ.

Татарстанын 2015-тӥ арлэн «Паркъёслэн но скверъёслэн» аренызы ялӥськемез но солы одӥг юнматон луэ. Улон интыын шутэтскымон паркъёсыз но скверъёсыз луэм калыкез гинэ вылӥ культураё калык шуыса вераны луэ. Нош районын улӥсьёслэн мылкыдазы культуралэн арез маин вунонтэм кылиз меда?
Владимир Иванов (26 арес): «Мон ачим ӟуч луи ке но, бигер кырӟанъёсты но яратыса кылзӥсько. Кылем арын ветеранъёслэсь концертсэс учкиськем вал. Арлыдо апай-агайёслэсь сцена вылын эктэмзэс-кырӟамзэс учкыса синмаськи. Егитъёслы туж умой пример луиз та!»
Халима Файзрахманова (43 арес): «Мукет интыосын кызьы, дыр, нош милям гуртын 2014-тӥ арын культуралэн арез луэмез чылкак ӧз шӧдӥськы. Яра али школаын дышетскисьёс праздникъёс дыръя концертъёс пуктыса, ярмаркаос радъяса, гуртоосты клубе люказы. Нош малпад ке, кӧня ужрад ортчытыны луэ. Секыт улон вылэ чӧлскыса, уксё ӧвӧл шуыса, калыклы кулэ луэм ужъёслэсь пегӟыны уг яра. Клубъёс зэмос культуралэн очагез луыны кулэ».
Алмаз Гарипов (31 арес): «Клубъёсын культурая ужрадъёс тросгес пиналъёс понна, яке шоро-куспо арлыдо но мӧйыос понна ортчытӥсько. Нош 25-40 аресъемъёс понна нимысьтыз радъям конкурсъёс яке шудонъёс, вакчияк вераса, шулдыръяськон ужрадъёс ӧвӧл. Азьпалан тае лыдэ мед басьтысалзы».
Ольга Андреева (17 арес): «Кылем арын гуртысь культура юртын ужасьёс но, районысен лыктыса но дискотекаосты трос радъязы. Ми понна вунонтэмез со луиз. Собере пӧртэм конкурсъёсы пыриськыса вормонъёсы но вутски».
Ильшат Сабирзянов (45 арес): «Мон механизатор. Толэн-гужемен техника вӧзын. Концертъёсы-театръёсы ветлыны дыр но уг кыльы. Нош кылем арын гужем районысь культурая центрысен но, асьме гуртысь самодеятельной коллективъёс но концертъёсын бусыосы лыктӥзы. Жадьыса шутэтскыны дугдэм музъем ужасьёс талы туж шумпотӥзы».

Без социаль челтәрләрдә: ИнстаграмИнстаграм ВКонтакте, ВКонтакте, ТикТок, Ютуб, Одноклассники, Телеграм, Фейсбук, Твиттер, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: