13-14-тӥ февраль нуналъёсы Альметьевск городысь «Теннис-сити» центрын «Ватаным Татарстан» газетлэн герой кылбурчиез Муса Джалилез буре ваёнлы сӥзем традиционной бигер сямен нюръяськонъя ӵошатсконъёсыз ортчизы.
Вераны кулэ, асьме районмылэн люкам командаез отысь бадӟым вормонэн бертӥз. Азьло аръёсы дас тужгес умой командаос пӧлы но пырыны быгатымтэ командамы таяз учыре 51 команда пӧлын, туж кужмо лыдъяськись Саба, Кукмор, Арча район командаосты азьпалтыса, 5-тӥ интые потӥз. Тодмо кык спортъя мастеръёс, пӧртэм степеньем травмаос басьтӥзы ке но, кужым шедьтӥзы, ӧз сётске. Янгул гуртысь Раниль Сафиуллин - куинетӥ, Нурмабашысь Ильдар Зарипов ньылетӥ инты басьтӥзы. Соослы Премьер-министрлэн воштӥсез Марат Ахметов коньдонкузьым но дипломъёс сётӥз.
Со ик нуналъёсы Аксубайын 2001-2002-тӥ аръёсы вордскем нылпиос пӧлын «Зарни шайба» клублэн призэзлы хоккеен шудонъя ӵошатсконъёс ортчизы. Тренеръёссы - Ильшат Гибадуллин но Рустам Хасанов - кивалтэм улсын тыршись хоккеистъёс республикаын кыкетӥ призо инты басьтӥзы.
Екатеринбургын 1996-1997, 1998-1999-тӥ аръёсы вордскем пиналъёс пӧлын суй кужымез мертанъя ортчем Россилэн первенствояз Татарстанлэн люкам командаез кыкетӥ луиз. Солэн составаз асьме районысь тренер Фаниль Гайнетдинов кивалтэм улсын 6 спортсмен, кужымзэ мертаса, 4-5-6 интыосты басьтӥзы.
Балтась гимназиын 11-тӥ классын дышетскись Алексей Григорьев но Алина Хуснетдинова (тренерзы Ралиф Аскаров) Казаньын «ОСТО»-лэн республиканской первенствоезлы армилэн радъёсаз дасяськись егитъёс пӧлын ортчем троеборьея ӵошатсконъёсын куинетӥ призо инты басьтӥзы. Физической культурая Приволжской академилэн первенствоезлы ортчем куасэн ӵошатсконын но Алексей 10 иськем кусыпез куинетӥ луыса ортчиз.
