Хезмәт

Кызьы чидам анай сюлэм?

Быдӟым ож кутскыку мыным 6 арес вал. Соку пичи луи ке но, гуртоослэсь шудтэм улонзэс, быдэ вуымтэослэсь но нылкышноослэсь тэльмыремзэс, пӧртэм сямен ултӥянъёсты туннэ но уг вунэтӥськы. Со дырысен 70 арлэсь уно дыр ортчиз ке но, со аръёсысь адӟем-чиданъёс ялан сюлэмын уло, ялан но ялан тодэ лыкто.

Кызьы бен вунэтод Обрам Орня песяйлэсь кыласа-бураса бӧрдэмъёссэ? Солэн кык пиез вал, кыкез ик жугиськонэ кулӥзы. 1908-тӥ арын вордскем Пётр Абрамовлэн куинь нылпиосыз атайтэк будӥзы. 1915-тӥ арын вордскем Костя вынызлэн 2 пиналэз атайтэк кылиз. Мария нылзэс нокыӵе мугтэк тюрьмае келязы. Кызьы чиданы кулэ тае анай сюлэм?
Сыӵе кайгу-куректон адӟем семьяос соос гинэ вал шат? Тани Копаров Максим куинь пизэ жугиськонэ келя. Куинь пиезлэн одӥгез но уг берты. Бадӟымъёсызлэн - Михаиллэн но Кириллэн нылпиоссы атаен улонэз адӟытэк будӥзы. Нош покчи пиез Филипп кышнояськыны но вутскымтэ вал али.
Эшмакова Екатериналэн но куинь пиосыз ож лудэ выдыса кылизы. Семён - 1942-тӥ арын, Павел - 1944-тӥ, нош Александр 1945-тӥ арын быризы.
Демеева Анна фронтэ 4 пизэ келя (Григорий, Илья, Павел, Михаил). Утьыса, кадырласа будэтэм одӥг пизэ но шумпотыса пумитаны уг кылды Анна апайлы, ньыль пиез ик ож бусые выдыса кыле.
Лыдъяса потоно ке, сыӵе семьяос туж трос Ципьяын. Котькуд семьяысь шуымон 2-3 мурт бырем. Удмуртъёс пӧлысь 109 воргорон ож бусыын бырем.
Вормонэз матынъяськытонэ нылкышноос но люкет пыртӥзы. Фронтэ 7 нылъёс басьтӥськиллям. Соос пӧлысь 1923-тӥ арын вордскем Мария Степановна Наздекова 1944-тӥ арын геройёс сямен бырыны шеде.
Тӥни сыӵе бадӟым ыштонъёсын, кайгу-куректонэн вуиз со асьме доры Вормон нунал.
Фото: http://www.vnd12.ru/annonce/2665-nuzhny-poka-zhivy.html

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: