Кылӥды-а ни?
Балтась культура центрын но художественной самодеятельностья удмурт коллектив кылдытыны малпаллям. Кивалтоз соин Татьяна Юрьевна Ишмурзина. Татьянаез ёросамы тодӥсьтэм мурт ӧвӧл, дыр. Угось удмурт культураен герӟаськем одӥг ужрад но солэн чебер выступлениезтэк уг ортчы.
Малпасько, солэн жингрес куараез, туж быгатыса но капчи эктэмез нокинэ но мылкыдтэм уг кельты. Шумпотымон, табере со аслаз быгатонлыкъёсызлы мукет адямиосты но дышетоз.
«Удмурт калык культураез дышетон мылкыд гинэ кулэ, — шуэ со выль ужан ӧрез сярысь вераса. — Бадӟым саклык висъямын луоз фольклорлы, удмурт калык кырӟанъёсты но эктонъёсты дышетомы. Люкаськонъёсты арнялы одӥг пол ортчытыны чакласьком. Пыриськыны быгатэ мылкыд карем котькуд адями 5 аресысен кутскыса».
Озьыен, удмурт культураез азинтыны, калык кырӟанъёсты но эктонъёсты дышетыны мылкыд каремъёслы та туж пайдаё луонлык. Соин одно ик пайдаяськыны кулэ.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев