Хезмәт

Луонлыкъёсын пайдаяськоно

Районысь хозяйствоос йӧл поттонъя арез шӧдскымон умой кутскизы. Республикаысь районъёс пӧлын Балтась нырысетӥ куине пыре.

Туэ нырысетӥ кварталэ районысь хозяйствоосын 14436 тонна йӧл кыскизы. Та кылем арлэн та дырезлэсь 954 тонналы тросгес. Йӧл поттонын кыӵе хозяйстволэн кызьы ужамез улӥысь сводкаын адске. Лыдпусъёсын графаослэн нырысетӥяз - туэ куинь толэзе поттэм йӧл, кыкетӥяз - кылем арлэн та дыреныз ӵошатыса мултэс кыскемез (кык показатель но тоннаосын).
Татарстан
1064
19
Дуслык
1053
12
Игенче
1037
12
Кызыл юл
928
185
Маяк
913
77
Бурбаш
834
4
Тимирязев нимо
814
1
Яна тормыш
781
-
Сурнай
738
45
Смаиль
723
146
Сосна
709
2
Кама
700
134
Активист
643
120
Алга
596
5
Якты юл
580
5
Труд
565
59
Тукай нимо
486
51
Уныш
461
1
Арбор
445
76
Бурнак
365
-
Куинь толэзе мултэс кыскем йӧллэн ӝыныез мында (466 тонна) март толэзьлы тупа. Нош тани ӵапак та толэзе «Бурнак» хозяйствоын кылем арын март толэзе сярысь 1 тонналы кулэс йӧл поттӥллям. Соос али но кылем арын сярысь ӧжыт йӧл кыско. Тимирязев нимо, «Сурнай», «Маяк» хозяйствоосын но апрель толэзе потэм бере йӧл кысконзэс кылем арын сярысь кулэстӥзы. «Татарстан», «Дуслык» хозяйствоос нунал потэм 12-13 тонна мында, «Игенче», «Кызыл юл» обществоос 10 тонналэсь уно йӧл вузаса миллионъёс ужаку, Тимирязев нимо, «Маяк», «Яна тормыш» хозяйствоослэн кылем арын сярысь ӧжытгес йӧл вузамзы кисыязы юн шукке.
Кылем суббота нуналэ видеобрифинг бере районлэн главаез Рамиль Нутфуллин, йӧл кыскон удыс нунал потэм уксё поттонлэн источникез луэ шуыса, нош одӥг пол валэктӥз.
Тулысэ выжон вакытэ кысконо скалъёслэсь рационзэс ватсаса витаминъёсын, кӧттыро веществоосын узырмытонлы нимаз ик бадӟым саклык висъяны кулэ. Скаллы йӧл уськытон понна кулэ луись элементъёсты басьтыны кошкем коньдонэз лыдъяса, йӧл вузамлэсь мултэсэн пыроно бадӟым уксёез ыштыны уг яра.
Трос йӧл сётӥсь скалъёсты нимаз сюдон бервыло. Кысконо скал кутьыез йылэтон, выльдон ужлы саклык висъяны кулэ. Тужгес но басьтэм приплодэз утёнлы бадӟым саклык мед висъяськоз. «Игенче», «Дуслык», «Алга», Тимирязев нимо но мукет куд-ог хозяйствоосын кунянъёс трос куло. Соин ик кунянъёсты утёнъя Россельхознадзор управлениысь специалистлэсь кенешсэ но сётоно луимы (улӥын).
Люкаськонын тулыс бусы ужъёслы дасяськон ужпум сярысь но вераськон луиз. Вань хозяйствоосын ини гыроно музъемлэн котькуд гектарезлы ӧжытсэ 70 килограмм действующей кужымен минеральной удобрение дасямын луыны кулэ. Тулыс бусыын удобренитэк кизьыса бадӟымесь луонлыкъёсты ки улысь лэзёнтэм понна, котькуд хозяйстволэн минеральной удобрение дасян шоры туж ответственно учкемез куриське. Куд-ог кивалтӥсьёс юрттӥсько шуыса улэм «Балтасиагрохимсервис» обществолэн юрттэтэныз но пайдаяськыны уг дырто. Вылӥ ӟечлыко кизён материал дасян; кидысъёсты, лабораториын эскерыса, кулэ кондицие вуттон, соосты пӧртэм висёнъёслы, изъянтӥсьёслы но жагтурынъёслы пумит обработать карон туж кулэ агроужрадъёс луо. Та ужын нимысьтыз дышетскем, кышкытлыклэсь утиськон правилоосъя инструктаж ортчем муртъёс гинэ ужаны кулэ.
Фото:http://xn----dtbcgyiwlb1a4he.xn--p1ai/index.php?option=com_content&view=article&id=997:-----31-&catid=34:2012-06-17-12-32-11&Itemid=28

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: