19-тӥ феврале Арчаын республика но район прокуроръёслэн наркотикъёслы пумит нюръяськонэз кужмоятон ужрадъёсъя зональной семинарзы ортчиз.
Отчы Арча, Атня, Балтась, Высокая Гора, Кукмор, Лаиш, Пестрецы, Рыбная Слобода, Саба но Тюлячи районъёсысь прокуроръёс сяна, следствиея межрайонной комитетысь, кылкутонэз быдэстонъя службаысь, наркотикъёсты контроль улсын возёнъя федеральной службаысь но район администрациосысь, наркотикъёслы пумит нюръяськонъя межрайонной комиссиысь представительёс пыриськизы.
Ужрадэз нуиз ТР-ысь прокурорлэн воштӥсез Сергей Старостин.
Семинарын правоез но тазалыкез утён, тодон-валан но визьнод сётон ужпумъёсын герӟаськем вераськонъёс пумысен но конкретной ужрадъёс кутонъя ӵектонъёс кылзэмын, пӧртэм программаослэн ужзы югдытэмын вал. Республикаысь прокурорлэн воштӥсез Сергей Старостин но та ужпумлы Россия но республика масштабын бадӟым саклык висъяське шуыса пусйиз. Таӵе пумиськонъёсты мукет районъёсын но ортчытэмзэс, отын конкретной проблемаосты сэрттон-пертчон амалъёслэсь эскериськемзэс, правоохранительной органъёсысь представительёслэсь та удысын ужез активизировать каремзэс, иворъёсты паськыт вӧлмытонъя амалъёсын (СМИ) юн кусып возьыса ужамзэс куриз.
Та ласянь асьме район прокуратураез курласа одӥг кыл но верамон ӧвӧл. Районлэн прокурорез Зуфар Абитов но, солэн кивалтэмез улсын ужасьёс но район газетэн юн кусып возё, газет бамъёсын ӵемысь гожъямъёссы пото.
