Хезмәт

Нылпи удмурт луыса будыны кулэ

15-тӥ апреле Ӟаны шоръёзо школаын «Кенеш» НКА-лэн Правлениез люкаськиз. Ужрадэ пыриськизы Правленилэн членъёсыз - удмурт калыклэн гажано пиосыз-нылъёсыз, «Дуслык», «Бурнак» обществоослэн кивалтӥсьёссы, Ӟаны, Бурнак но Янгул гурт поселениослэн главаоссы, бускель Кукмор ёросысь удмуртъёслэн азьветлӥсьёссы но Татарстанысь удмуртъёслэн НКА-зылэн выль тӧроез - Андрей Сергеевич Герасимов.

Заседанилы кутскон сётэмлэсь азьло президиуме членъёсты тодмостӥзы. Тани соос: Ӟаны гурт поселенилэн главаез Юрий Михайлович Перфилов, район газетлэн валтӥсь редакторез Вакиф Мансурович Закиев, удмуртъёслэн одӥгез азьветлӥсьсы Пётр Григорьевич Чернов, Андрей Сергеевич Герасимов но Леонид Дмитриевич Сапожников.

Нырысетӥ эскероно ужпумъя трос малпанъёс чузъяськизы, ӟырдыт дискуссия луиз шуыны кулэ. «Гырон быдтон» праздникез ортчытыны ваньзы огкылысь соглаш луизы. Нош тани ку но кытын сое ортчытоно - та ласянь ӧжытак шугъяськон кылдӥз ик. «Кенеш» НКА-лэн Правлениез, «Дуслык» обществолэн директорезлэсь Рамиль Анасович Гильмуллинлэсь район масштабен «Гырон быдтонэз» Тюнтер гуртлэн Сабантуй ортчытон интыяз радъяно шуэм ӵектонзэ умоен лыдъяз. «Бурнак» обществолэн кивалтӥсез Рафкат Накипович Назипов ӵектэм вал удмурт праздникез Сабантуйен ӵош одӥг нуналэ ортчытыны. Та ласянь Иван Васильевич Ермаков соглаш луымтэзэ вераз. «Та праздникез нырысь ик ми «Искра» колхозын ортчытыны кутскимы. Со луэ вал Семык арнялэн шумот нуналаз. «Гырон быдтонэз» Сабантуй интые ортчытон шонер уз луы. Та праздник, нырысь ик, гуртоослэн, ӵыжы-выжыослэн пумиськонзы. Соин но ӵектӥсько сое ортчытыны Семык азьын пятница нуналэ 17-тӥ июне». Таиз ӵектон но люкаськем калыклы мылкыдъяз луиз. Озьыен, туэез «Гырон быдтон» луыны кулэ 17 июне.

Кенешонэ люкаськонлэн кыкетӥ ужпумез Татарстанысь удмуртъёслэн выль азьветлӥсенызы тодматскон вал. Андрей Сергеевич Герасимов аслаз ужан планэныз - дорожной картаеныз - тодматӥз. Кылсярысь, кивалтӥсь, егитъёсты сюлэмшугъяськытэм ужпумъёсты сэрттон-пертчон но егит поколениез удмуртлыкез, удмурт лулчеберетэз утён но азинтон процессэ кыскон вылысь, удмурт егитъёслэсь огъя интернет-сообществозэс кылдытыны малпамез сярысь вераз. Телевидениен герӟаськем ужпумъёсты, нимаз ик финн-угор передачаосты учкыны луонлык кылдытон пумысен сюлмаськемзэ но пусйиз, пӧртэм грантъёслы конкурсъёсы пыриськон сярысь но вераз.

Удмуртлык шуэмысь, Леонид Дмитриевичлэсь кенешонын верам кылъёссэ ӵектэм потэ. «Матысь дыре асьмеос ваньмы паспортъя гинэ удмурт кылёмы», шуиз со. Зэмзэ но, асьме нылпиос удмурт кылмес вунэтыса мыно. Леонид Дмитриевичлэн верамезъя, туннэ нуналэ удмурт гуртъёсысь садикъёсын анай кылзэс чылкак уг дышетско, школаосын но удмурт кыллы бадӟым инты уг сётӥськы. Соин валче Балтась удмуртъёслэн азьветлӥсьсы, вордскем кылэз азинтонлы саклык висъямзэ курыса, ТР-ысь дышетонъя но наукая министрлы гожтэт гожтэм. Солэн пуштросэныз кенешонэ лыктэмъёсты но тодматӥз.

Район газетлэн валтӥсь редакторезлэн выступлениезлы но мылкыдтэм кыльыны ум быгатӥське, малы ке шуоно Вакиф Мансурович газетэнымы герӟаськем лэчыт ужпумъёс сярысь вераз (со ик газет дунлэн будэмез, удмурт статьяослэн ӧжыт луэмзы сярысь), куриз ӵемгес газетэ гожъяны. Соин валче ми но, «Азьлане» газетын ужасьёс, куронэн вазиськиськом: «Ойдолэ, ог-огмес валаса, ог-огмылы юрттыса уломе но ужаломе. Газетлэсь ӟечлыксэ умоятон понна кыӵе ке ӵектонъёсты, малпанъёсты вань ке, одно ик милемлы ивортэ. Ми воштӥськонъёслы пумит ӧвӧл, шумпотомы гинэ».

Реклама

Ог-огмылы юрттыса, кусып возьыса дэмен ужаны Кукморысь лыктэм куноосмы но ӧтизы.

Та ужрадэз йылпумъяса Леонид Дмитриевич «Сокровища удмуртского фольклора - Песни, танцы и игры шошминских удмуртов» сборниклы приложение карыса дасям сюан сярысь видеосборникысьтыз куд-ог фрагментъёссэ ӵектӥз.

Оскем потэ, та ужрадын эскерем ужпумъёс быдэстӥськозы, кагаз вылын гинэ уз кыле, улонэ пыӵалозы шуыса. Со понна асьмелы, удмуртъёслы, трос тыршоно, инмысь усемзэ витёно ӧвӧл.

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: