Нылпи — валтӥсь пассажир
Та арын гинэ но республикаысь сюресъёсын нылпиослэн пыриськеменызы 55 шудтэм учыр луиз. Авариосын 5 нылпилэн улонэз куспетӥ луиз, 66-ез пӧртэм степеньем травмаос басьтӥзы.
Кылем арен ӵошатоно ке, нылпи кулонэн йылпумъяськем учыръёслэн лыдзы 4-лы, нош сӧсырмонъёслэн - 8-лы йылэм. Витез ик кулэм нылпи нимысьтыз креслое пуктэмын луымтэ. Нылпиослэн пыриськеменызы сюрес вылын шудтэм учыръёс медаз луэ шуыса но тулыс каникулзы дыръя пиналъёсты кышкытлыклэсь утён понна, 17-тӥ мартысен 31-тӥ мартозь «Нылпи - валтӥсь пассажир!» шуэм акция ортчытӥське. Та ужрад мыныку, нылпиоссэс креслотэк но кышкытлыклэсь утись еэз бырттытэк машинаын нуллӥсь шофёръёслы нимысьтыз саклык висъяськоз. Котькинлы но аслаз нылпиез туж дуно, соин ик, пиналэз машинае пуктыку но, солэн кышкыттэмлыкез сярысь сюлмаськоме, берло ӧпкелёно медаз луы.
Фото: http://xn----7sbabaacc5gvaev8eva5j.xn--p1ai/index.phtml?page=arhiv&category=&archive=1380484800&subaction=list-archive
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев