Нылъёс — ӟечокъёс!
15-тӥ тулыспалэ Ижкарын Кузебай Герд нимо удмурт кун йӧскалык гимназиын удмурт кылъя но литературая улоскуспо олимпиадалэн йылпумъян этапез ортчиз.
Асьме ёросмы понна та ужрад бадӟым шумпотон, куинь полэс шумпотон, вайиз.
Покчи Лӧзя шоръёзо огъядышетон школаын тодон-валан басьтӥсь куинь нылъёсмы, Балтась ёрослэсь данзэ утьыса, бадӟым азинсконъёсы вутскизы. 10 классын дышетскись Ефремова Алина удмурт кылъя но литературая улосвылкуспо олимпиадалэн призёрез луиз, нош 11-тӥ классысь Артемьева Дарья но Иванова Полина вормисе потӥзы.
Шумпотыса но данъяськыса, сюлмысь ӟечкыласьком нылъёсты но соослэсь дышетӥсьсэс — Пчельникова Ольга Мироновнаез. Ӟечокъёс, визьбугоръёс!
Нялтас вераса, Дашаез эшшо одӥг вормонэныз ӟечкыланы быгатӥськом. Со, 25-28 тулыспалэ Казаньын ортчем школьникъёслэн англи кылъя Всероссийской олимпиадазылэн улос этапаз пыриськыса, призо инты басьтӥз. Ӟечок! Дышетӥсез — Хакимов Нияз Филсурович — Покчи Лӧзя шоръёзо школалэн директорез, англи кылъя дышетӥсь. Сӥзиськом та визьмо нылашлы но, дышетӥсезлы но выль азинсконъёс но вормонъёс.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев