Хезмәт

Балтач районы

18+
2024 - Гаилә елы
Азьлане

Нылпиосмы шумпотто (+фото)

Татарстан Республикаын кун но мукет кылъёсты утёнъя, дышетонъя но азинтонъя 2014-2020 аръёслы чаклам кун программаез уже кутыса, Элькунысьтымы Дышетонъя но наукая министерство Татарстанысь Калык эшъяськон юртэн чош йӧскалыко воскресной школаосын но этнокультурной компонентэн школаосын дышетскись пиналъёслэсь фестивальзэс ортчытӥз. Шумпотымон, та ужрадэ асьме ёросысь но удмурт пиналъёс пыриськизы.

- Фестиваль кык этапен ортчытӥськиз. Нырысь ик кулэ вал заявка сётыны но нылпиослэн выступлениенызы видеофайл лэзьыны. Та этапез ми умой гинэ ортчимы но 13-тӥ шуркынмонэ Казаньын луэм фестивальлэн зональной этапаз пыриськимы, - шуэ Сырья покчиёзо школаысь дышетӥсь Галина Александровна Сапожникова.

Фестиваль куинь номинациосъя радъяськиз: хореография, вокал, калык творчество. Сырья нылпиос Галина Александровна но Наталья Никодимовна дышетӥсьёссылэн кивалтэмзы улсын фольклор номер дасяллям: шошма удмуртъёслэсь шудонъёссэс но эктонъёссэс возьматӥллям.

Вокал номинация аслэсьтыз быгатонлыкъёссэ возьматэм Шор Кушкет шоръёзо школаысь 7 классын дышетскись Алёна Анисимова. Та фестивале пыриськыны сое дасяз Виктор Павлович Камаев, Шор Кушкет школаысь музыкая дышетӥсь. Алёна понна сюлмысь шумпотэммы луэ: со финалэ потӥз. «13 номер финалэ басьтэмын шуыса тодӥсько. Соос пӧлын ми но. Гала-концертын Алёна «Ӵукна» шуыса нимаськись кырӟанэз быдэстоз. Туж шумпотымон, котькытын калыкъёс асьсэлэсь быгатонлыкъёссэс возьматыны тыршо. Татын кинъёс но ӧй вал! Синме йӧтӥз, чувашъёс трос вал шуыса. Индиецъёслэн но выступленизы вал. Огъя вераса, ужрад тунсыко, умой ортчиз», - шуэм вал Виктор Павлович, гала-концертлы дасяськыкузы.

Калык сямъёс, анай кылъёс, калыкъёслэн тупаса но эшлыко улэмзы сярысь сюлмаськыса ортчытэм фестивальёслэн кулэлыксы туж бадӟым, шуыны кулэ. Угось асьмеос котькудмы валаськом, таза кидыслэсь гинэ удалтэм урожай басьтыны луэ шуыса. Озьы ик нылпиосын но: сюлмазы кыӵе кидыс кизёд, сыӵе ик «емыш» басьтод.

Ольга Плотникова

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Галерея

Оставляйте реакции

2

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: конкурс