Хезмәт

Одӥг дауръем юбилей

19-тӥ июль нуналэ Тагашур гуртын улӥсь Фёкла Туктаровна Туктарова 100 аресъем юбилейзэ пусйиз.

Адямиос кема аръёс ӵоже ини: «Кема улонлэн секретэз кыӵе?» - шуэм юанлы ответ утчало. Гумырыз ӵоже колхозын ужам, Балтасе пыдын ветлыса бригадирлы дышетскем, окоп гудӟонэ, Суслонгерын нюлэс коран ужъёсы пыриськем но мукет трос пӧртэм секыт ужъёсты ужам Фёкла апайлэн улон сюресэз та юанлы ӧжыт ке но ответ сётэ кадь: тэк пуконо ӧвӧл, пыдын ветлоно но капчи мылкыдо луоно.
100 аръем историез ортчем Фёкла апайлы Нырысетӥ мировой, граждан ожъёсты, сютэм аръёсты, Совето Союзэс кылдытонэз но солэсь таркаськемзэ, Быдӟым Отечественной ожез но мукет трос событиосты адӟыны кылдэм.
Пенсие потэмез бере но тэк уг пукы: ӵыжы-выжыосызлэсь пиналъёссэс уте. «Анае кадь юрттӥз, мон дорын улӥз, бадӟым юрттӥсе луиз», - шуэ ӵыжы-выжыез Зоя апай.
Фёкла апай картлы бызьымтэ. Семьяез луымтэ бере, ужаны ялан кыдёке лэзьяллям сое. «Суслонгерын соослы туж секыт луэм, сютэм, куанер улон... Та секытлы чиданы быгатытэк, кулэмъёслэн пыдазы гынсапег луэм ке, кутъёссэс куштӥллям но со гынсапегъёсты кутчаллям», - шуыса вера Ципьяысь ветеранъёслэн советсылэн кивалтӥсез Пётр Чернов.
Фёкла апай туннэ агаезлэн Галина нылыныз но Вячеслав пиеныз улэ. Агаез ожысь ветеран Туктагул Туктаров 92 аресэн кулэ. 2010-тӥ арын кизэ чигемез бере, Фёкла апай ветлэмысь дугдэ, тазалыкез ассэ шӧдытэ. Туннэ нуналэ со ачиз номыр карыны уг быгаты. Фёкла Туктароваез юбилееныз ӟечкыланы но солы РФ-лэн Президентэзлэсь В.В.Путинлэсь ӟечкылан гожтэтсэ сётыны Балтась муниципальной районлэн главаез Рамиль Нутфуллин, социальной дурбасьтонъя отделлэн кивалтӥсез Алсу Гатиятуллина, «Труд» обществолэн кивалтӥсез Рашит Хадиев но поселенилэн кивалтӥсез Азат Нутфуллин лыктӥллям вал. Секыт улон Фёкла апаез валес вылэ кельтӥз ке но, со ассэ ӟечкыланы лыктэмзэс тодыса, тау кариз.

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: