Хезмәт

Ортчемез но туннэез

19-тӥ мае Пионерилэсь нуналзэ пусйиськом. СССР вакытэ та нуналэ, инкуазе потыса, пионеръёс тылскем котыре люкасько, дружина сборъёс ортчытӥсько вал.

Школаын дышетскисьёс понна гинэ ӧвӧл, арлыдоос понна но зэмос праздниклы пӧрме вал та нунал. Со праздник нылпиослэн улонзылы чеберлык ватсаз, сюлмазы шуныт, эшъяськон но тупаса улон мылкыд пыӵатӥз. Жаляса верано, та ваньмыз но бӧрсьы кылиз ни. Октябрёнокъёс ӧвӧллы потӥзы, пионер но комсомол организациос быризы. Со поколенилэн идеалъёсыз Александр Матросов, Зоя Космодемьянская, егит гвардеецъёс кадь геройёс луизы ке, туала нылпиослэн дунъетъёссы но, геройёссы но мукет ини. Но асьме районын пионерилэн одӥг чебер тодметэз возиське на - «Эшъяськон тылскем» улэп. Та куинь республикаысь нылпиослэн огъя праздниксы туэ 49-тӥзэ ортчытӥськоз. Туэез асьме Балтась музъемын ортчоз.
Со сяна, 19-тӥ май - Татарстан Республикаысь печатьлэн нуналэз. 1998-тӥ арысен кутскыса ортчытӥськись та праздниклэн выжыосыз одӥг даурлы бӧрсе Петербург городэ вутто. 1905-тӥ арын 19-тӥ мае отын нырысетӥ бигер Общероссийской «Нур» газетлэн нырысетӥ номерез потэм. Татарстанысь журналистъёсын но газет-журналъёслэн потэменызы герӟаськем котькуд адямилэн профессиональной праздникез тӥни та даталы сӥзьыса пусйиське. Асьмелэн район газетлэн но 80 аръем историез вань. Та дыр ӵоже газет поттонын кинъёс гинэ ужаллямтэ! Котькудӥз ас ужзэ сюлмысь тыршыса но кылкутыса быдэстэм, район газетэз лыдӟисьёс доры вуттон понна вань кужымзэ поныса ужам.
Пӧртэм аръёсы район газетлэн редакцияз но типографиын ужам коллегаосмес профессиональной праздникенымы сюлмысен ӟечкыласьком. Газетмы лыдӟисьёсмылы но селькоръёсмылы луыса гинэ улэ. Тӥледлы но бадӟым тау кареммес вуттӥськом, малы ке шуоно та асьмелэн огъя праздникмы. Азьланяз но тӥледын огмылкыдо луыса улыны мед кылдоз!

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: