Хезмәт

Ошъёс каллен будо

Толэзьлы быдэ хозяйствоослэн кивалтӥсьёсынызы пудо вордон ужъёслы йылпумъян лэсьтон ужрад сяме пыриз.

Ортчем ньыль толэзе быдэстэм уж сярысь вераськыны «Маяк» обществолэн базаяз люкаськизы. Кунян ваён отделениын, пичи кунянъёсты, ветылъёсты, скалъёсты вордон гидъёсын, кардаосын луыса, ужан опытэнызы тодматскизы, ӵошатӥзы, дышетскизы, кенешъёс сётӥзы. Озьы ик вал вордон гидэ но пыризы. Рамиль Нутфуллин районын вал вордонлы саклык висъян уг тырмы шуыса вераз. Татын но со гидазы выжзы сисьмем, нӧд. Берлогес гуртысь культура юртын ортчем совещаниын но валъёсын герӟаськем проблема нимаз ӝутэмын вал. Вуоно Сабантуйёслы котькуд хозяйстволы ворттӥсь валъёсты дасян ужпум но пуктӥськиз. Ньыль толэзь понна йӧл поттыса вузанын йылпумъянъёс начар ӧвӧл. Лыдпусъёс - туэ ар кутсконысен 1-тӥ маёзь одӥг скаллэсь кыскем йӧл (килограммъёсын).
Уныш
788
Кызыл юл
731
Кама
647
Татарстан
634
Активист
641
Алга
619
Смаиль
605
Яна тормыш
601
Дуслык
600
Игенче
600
Маяк
596
Районъя
590
Кылем хозяйствоосын та лыдпус районъя пусъем шорлыд показательлэсь улӥ. Берпуметӥ интыын 402 килограммен «Бурнак» хозяйство.
Совещаниын районлэн главаез куайытоно пудоослэсь улӥ привес басьтэмлэсь мугзэ шараян но та удысын ужез умоятон понна конкретной ужрадъёс кутыны косӥз. Привес суткалы быдэ 800 граммлэсь но кулэс луоно ӧвӧл. Нош ортчем ньыль толэзе со районъя шорлыдын 656 грамм гинэ луэм.
Лыдпусъёс - туэ 1-тӥ майлы котькуд ошаклэсь суткалы басьтэм привес (граммъёсын).
Кама
944
Арбор
852
Кызыл юл
826
Яна тормыш
816
«Активист
813
Кылем хозяйствоослы кулэ привесэз басьтон понна умойгес тыршоно али. Самой улӥ показатель «Труд», «Смаиль», «Уныш» обществоосын ваньзэ 513-545 грамм.
Совещаниын сюро таза пудоослэсь йыр лыдзэс будэтон но туж кулэ ужпумъёслэн одӥгез шуыса пусъемын вал. Туннэ нуналысь лыдъянъёсъя, туэ скалъёслэсь чаклам мында кунян басьтытэк кыльыны но быгатомы. Скалъёсты, тужгес но ветылъёсты дыраз бызьылытыса, кунян кулон учыръёсты кулэстонъя нунал потэм тыршыса ужаны кулэ. Скалъёслэн кулэм кунян ваемзы кутьыез выльдонлы бадӟым изъян вае. Районлэн главаез Рамиль Нутфуллин гурт хозяйствоя но сиён-юонъя управлениысь специалистъёслы, хозяйствоослэн кивалтӥсьёссылы, пудо вордон удысын нунал потэм ужаны косыса, конкретной указаниос сётӥз. Бератаз, бусы ужъёслэсь мынэмзэс эскерыса, валэс юосты кизёнэз 20-тӥ майлэсь но бере кыльытэк йылпумъяно шуэм ужпум пуктӥз.

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: