Хезмәт

Ож дырысь тодэ ваёнъёс

Алпутин Михаил Осипович (1923-2006) Александров Максим Александрович (1901-1986)

Быръем отрядысь кӧня ке мурт нюлэскы разведкае кошке. Командирзы луэ Данилов (Алпутин) Яков (Макар Яков) — Сизнер гуртысь воргорон. Война кутскемлэсь азьло гуртысь кошкем луэ. Соин оже басьтӥське Кизнер ёросысь военкоматысен. Михаилэн вераськемез-юалляськемез бере гинэ отрядлэн командирез Яков тодма аслэсьтыз гуртозэ, двоюродной агай-вынъёс луо шуыса тодэ.

Нюлэскын солэн отрядэз бинокльысен немецъёсты учкыса улэ, асьмелэнъёс тушмонъёслэсь вераськемзэс ик кыло. Ваньмыз шара адске, кин ма каре, кин маин выре.

Яковлэн отрядэз немецъёслэсь санитарной машиназэс, кӧня ке танксэс но мукет машинаоссэс пуштытэ. Озьы ик немец блиндажъёсты пуштыто но одӥг командирзэс пленэ басьто.

«Немецъёс туж трос вал, сьӧд пилем кадь, пумтэм-йылтэм», — тодаз вайылӥз Михаил Осипович. Немецъёс Ленинград улосвылын шур вамен потыку, асьме войскоос но самолётъёс выжез бомбить каро. Соку асьмелэнъёс трос немец техникаез: танкъёсты, машинаосты но мотоциклъёсты — быдто. Та ожмаськонын отрядлэн командирез Яков но бырыны шеде. Михаил улэп кыле. Сӧсырмемез бере госпитале шеде. 1942 арын Боровичи городын луэ, бӧрысь соосты мукет интые нуо.

... Кӧня ке мурт ас мылкыд каремезъя военной заводэз уте. Соос пӧлын луэ Михаил но. Отын со эшшо одӥг гуртозэ, Бураков Денисэз, пумита.

Вордскем гуртаз Михаил берытске 1944-тӥ арын. Но дораз одӥг толэзь гинэ улыса вуэ — сое выльысь военной заводэ келяло, таяз радэ Подмосковьеысь Химки городысь заводэ. Отын со 1946-тӥ арозь ужа но собере гуртаз бертэ. Колхозын ужаны кутске — калыклэсь вӧй люкаса, котькуд нунал сое Тюнтерь гуртэ валэн нуллэ. Собере кык толэзь кадь бригадир луыса ужа. Бератаз 1947-тӥ арын, оже пыриськем мурт но адӟем карымон ужась шуыса, солы Тельман нимо колхозын завхозлэсь ужзэ оско. Та ужзэ со 1958-тӥ арозь быдэсъя. Дано шутэтсконэ потытозяз колхозын тырше. Кулэ 2006-тӥ арын.

 

Александров Максим Александрович (1901-1986)

Немецъёс Днепр шур вамен кыстӥськись выжез бомбить карыку, тросэз асьме солдатъёс пленэ шедё. Соос пӧлын Александров Максим но луэ. Соосты мур‡олэ (подвалэ) борӟало, сютэм возё. Мисьтӥськон сярысь веранэз но ӧвӧл, соослэн синъёссы гинэ чиляло, сокем соос кырсь луо. Пож ву киськан гуысь, жаг куян интыысь мар шедьто, сое сиё. Немецъёс соосты виёнэн кышкато, ымазы автомат но урдыло. Туж кышкыт луэ, сютэм.

Пленын Максим двоюродной агайзэ, Германэз, пумита. Со умой часовщик луэ. Пленын луыкуз но часъёсты тупатъям, ӧжыт ке но ассэ сютэм улонлэсь утён понна. Но соослы пумиськылыны уг лэзё.

Пленысь соосты советской солдатъёс мозмыто. Доразы кыкназы но сӧл-тазаен берто. Максимлэн йыраз яраез но контузиез луэ. Ож бере колхозын ужа. Кулэ 1986-тӥ арын.

Анфиса Ермохина   

 

 

 

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: