Палэнысь сюрес шоры палэнысен учкон

Смаиль но Ципья куспысь сюрес ӵапак берлоосыз пӧлы пыре. Малы отчы асфальт уг вӧлдо? Та юанлы валэктон шедьтыны шуг. Оло, та валтӥсь сюрес луымтэ бере, техника но трос уг ветлы, ремонт но лэсьтытэк яралоз шуо меда? Татын асфальт вӧлдӥськем дырысен ремонт лэсьтымтэ. 2013-тӥ арын выль асфальт вӧлдыны кутскиллям вал, нош малы ке но ужзэс пумозяз ӧз вуттэ - Вукогуртозь гинэ вуизы. Кемалась ӧвӧл та сюрес вылын шудтэм учыр луыса, 22 аресъем егит пи кулӥз. Мугез - сюреслэн урод луэмез. Машиналэн азь питранъёсыз гопе пыро но пушто. Собере но сюресэз ӧз тупатэ, со интые шальы гинэ кисьтӥзы но соин уж быриз. Нош та сюрес вылтӥ нунал потэм Сизнерысь, Вуж Ципьяысь дышетскисьёсты автобусэн Ципья шор ёзо школае нулло. Та автобус но сыӵе ик югдуре шедиз ке, яке мукет машина? Инмар мед возьмалоз! Калык кулэ налогез тыре, нош малы тэльмыре?