Парсь интые кунян
«Активист» хозяйстволэн Кургем фермаяз контрольной мертан нунал вал. Фермалэн территорияз радлык кузёяське, сюресъёссы ветлымон. Кылем арын сӥзьыл нӧдэн но капчи машинаен пырыны быгатӥськеммы вал.
Пудо сюдӥсь 4-5 кышномуртъёс парсьёсты, гидысь улляса, мертаны пырто. Умой радъяллям: пудоосты гидлэн одӥг паласеныз поттыса, котыртыса басьтэм мертан интые пырто, мукет паласен берен гидэ улляло. Антонида Камаева, Любовь Колесникова, Светлана Халтурина та фермаын ужаса опыт люкам пудо сюдӥсьёс. «Парсьёсты быдтӥськомы» шуэм иворез кылэмзы бере, нырысь сюлмаськонэ усиллям. «Соосты сюро таза пудоен воштомы» шуэмзы но бушам одӥг гидэ кунянъёсты вайыны кутскемзы бере, ӧжытак буйгатскиллям. Табере отын 100 йыр сюро таза пудо вордо. Ветылъёсты кутьыез выльдон, йылэтон понна вордо, ошъёсты сӥль понна нимаз куайыто. Али ку гинэ парсь сюдонын ужам Лидия Камаева, Ольга Тургенева татын но уг сётско, пудоосты вакчи дыр куспын кулэ секталае вуттон понна кужымзэс уг жаляло.
Татысь парсь фермаын 19 хозяйствоен Кургем, 15 хозяйствоен Кускем гурт калык ужам. Парсьёслэсь лыдзэс кулэстэмен, штат но кулэсмем. Собере пудо сюдӥсьёсты машинаен Дургае нуллыны кутскиллям. Роза Колесникова, Нина Чемокова скал кыско. Аслаз хозяйствояз скал вордэм гурт кышномуртлы тодымтэ уж ӧвӧл ук. Нырысетӥ нуналысен ик азинлыко уж возьмато.
Туэ Кургем но Кускем гуртъёс куспысь фермаысь парсьёсты быдэсак быдтыны чаклало. Отысь 200 йыр парсьёсты Кургем фермае сӥльлы вузамъёсыз интые кӧчыро. Бушам гидэз ремонт карыны, ветылъёсты вордон понна выльдыса лэсьтыны кулэ луись материалъёсты, оборудование дасяны кутскиллям ини.
- Парсьёсты келяло, кунянъёсты ваё, - шуэ та кык гуртын бригадир но, фермалэн заведующиез но луэм Валерий Семёнов. Мыным солэн вуоно воштӥськонъёслэсь кышкамтэез, со воштӥськонъёс гуртоосызлы изъян медаз вае, соос ужтэк медаз кыле шуыса сюлмаськемез кельшиз. Кылдэм проблемаосты сэрттонын-пертчонын хозяйстволэн кивалтӥсез Валерий кадь визьмо специалистъёслы оске но ини.
.jpg)
.jpg)
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Иң мөһим һәм кызыклы язмаларны Татмедиа Telegram-каналында укыгыз
Телефон АО «ТАТМЕДИА»: (843) 222 09 84