Хезмәт

Пересьёслы оскон кузьмасьёс

8 июне Россиын арлы быдэ социальной удысын ужасьёс асьсэ ӧнер праздниксэс пусъё.

Та праздникез 2000-тӥ арысен кутскыса Россилэн Президентэзлэн указэзъя ортчытыны кутскизы. Тодӥськом: социальной удысын ужасьёслэн валтӥсь ужзы — кулэяськись адямиослы (пенсионеръёслы, инвалидъёслы, секыт югдуре шедем семьяослы но мукетъёслы) социальной юрттэт сётон. Та удысын ужасьёс ӧжыт доходэн адямиослы, сиротаослы, пенсионеръёслы юртто. Сюлэмзэс сётыса, дырзэс жалятэк, асьсэ ӵыжы-выжызэс кадь матын карыса учкись, котьку юрттыны дась луись, ӟеч сюлэмо, валась луэмзы понна соосты утёно адямиоссы но ярато, гажало, нуналысь нуналэ лыктэмзэс туж витё. Мӧйыослэн но социальной удысын тыршись адямиослэн ужан кусыпъёссы тросаз учыре дыр ортчемъя эшлыко кусыпъёслы пӧрмо. Праздник ӧнеренызы валче та ӧрысь представительёс, Вылын Ушма гуртын улӥсь социальной ужасьёс Светлана Петрова но Маргарита Добромыслова, лыдӟисьёсты ӧжытак асэнызы но уженызы тодматӥзы.

Реклама

 

 

Светлана Васильевна Петрова дышетскемезъя социальной удысын ужась ӧвӧл. Вылаз ик, школазэ йылпумъяса со нокыӵе нимысьтыз тодон-валан басьтымтэ. Пор-Кутеш гуртын будэм бере, школазэ йылпумъяса Светлана «Дружба» колхозэ ужаны интыяське (али со «Дуслык» общество). Социальной удысэ нош 2005-тӥ арын вуэ. Соку Светлана Васильевна колхозысен кулэстон улсы шеде. Балтасьысен социальной удысын ужаны ӵектэмзы бере, Светлана соглаш луэ. Тани туэ та удысын ужамезлы 15 ар но луэ ини. 

— Колхозын но ужаме вань бере, малпаськытэк вераны быгатӥсько: социальной удысын ужаны секытгес. Физической ласянь ӧвӧл, моральной ласянь. Малы ке шуоно адямиен огъя кусып шедьтыны быгатоно, нош со котьку капчиен уг сётӥськы. Мар ке но ярамтэзэ верад ке, мӧйыос куатаськыны быгато, нош куддыръя ӧвӧлтэм макелы но шумпото, — малпанъёссэ вера Светлана Петрова.

15 ар ӵоже троссэ адӟыны тупам социальной удысын ужась нылкышнолы. Но со сётскымтэ, пересьёслы аслэсьтыз кулэ луэмзэ умой валам. Ужам аръёсыз ӵоже со огъя 12 арлыдоосын ужаны вутскем (соос пӧлын 4 тылын тыршисьёс, 6 инвалид, 2 пенсионер), соосты утем, юрттэт сётэм. Пересьёс ӝожтӥськонъёссэс но, шумпотонъёссэс но Светлана Васильевнаен люкиллям. Туннэ нуналэ социальной ужасьлэн вить утялтыны басьтэм муртэз вань — одӥг бабай но ньыль песяй (соос пӧлысь одӥгез кыллись). Со Вылын Ушмаысь, Покчи Лӧзяысь но Балтасьысь мӧйыос. Ӵапак та гуртъёсын ужа Светлана Васильевна. Ваньзы соос оген улӥсь адямиос, нылпиоссы, ӵыжы-выжыоссы вань ке но, вӧзазы ӧвӧл. Ужаны ветлэ я автобусэн, я попуткаен. Шутэтскон нуналъёсыз субботае но воскресенье. Но кызьы вера ачиз Светлана Васильевна, котькуд нуналэ, котькуд часэ но минутэ соослы опеказы улсын луэм адямиоссы жингыртыса ӧтьыны, юрттэт курыны быгато.

— Веранэз ӧвӧл, быгатэммыя котьку юрттыны, валаны тыршиськомы асьме арлыдоосмес. Нырысь ужаны кутскем бере, секытэн сётскиз уже. Пӧртэм учыръёс луизы. Но табере ас ужелы дыши, адями котьмалы дыше шуыса юнме гинэ уг верало ук. Куке валаськод, оген улӥсь мӧйы адямиослы юрттыны быгатӥськод шуыса, сюлмысен шумпотӥськод но ас уженыд данъяськиськод. Сыӵе минутъёсы астэ кулэ луись адямиен шӧдӥськод, — пальпотэ Светлана Васильевна.

Аслэсьтыз ужзэ кулэезъя но ушъямон, быгатыса быдэсъямез, валаса, сюлэмзэ сётыса ужамез понна Светлана Васильевна Петрова 2012-тӥ арын ТР-ысь социальной дурбасьтонъя ужъя но уже интыянъя министерстволэн «Данъян грамотаеныз», 2016-тӥ арын Балтась ёросысь администрацилэн Главаезлэн Таукарон гожтэтэныз пусйиськиз.

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: