Пичи гуртын – бадӟым концерт (фото)

Калык быдэс зал тыр люкаськемын вал, 2 гуртысь - Гондыргуртысь но Ярак-Чурмаысь. Люкаськем калыклэсь мылкыдзэ ӝутӥзы школаын дышетскисьёс, дышетӥсьёс, студентъёс но огшоры колхозын тыршись пиос но нылъёс, озьы ик культура удысын ужасьёс но нылпи садысь визьнодасьёс. Соос мылысь-кыдысь кырӟазы, эктӥзы, ӟуч, удмурт, бигер, пор кырӟанъёсты но эктонъёсты. Та концерт туж чебер мылкыдъёс гинэ кельтӥз, жадем сюлэмъёсты шунтӥз. Концерт пуктӥсьёсты гурт калык номерзылы быдэ кужмо кичабконъёсын пумитаз.

Гурт калыклэн нимыныз Покчи Лӧзя культура юртысь лыктэм коллективлы (артистъёслы) бадӟым тау кылме вуттэме потэ. Соослы улоназы, ужазы, тазалык, шуд, кузь гумыр сӥзисько. Азьланяз эшшо но выль азинсконъёсы мед вутскозы шуыса, нош ик лыктэмзэс курыса, кужмо кичабконъёсын келяз гурт калык куноосты. Нош ик одӥг пол тау тӥледлы, артистъёс.

Гурт калыклэн нимыныз

Светлана ГАЙСИНА