Хезмәт

Пионере пырон вакыт

Ми школаын дышетскон вакытэ апрель толэзь самой шулдыр толэзьёслэн одӥгез вал.

Куинетӥ классын дышетскисьёс толэзь кутсконысен пионере пырыны дасясько. Ленин, пионерия сярысь кырӟанъёс, кылбуръёс дышетско. Школалэн пионер дружинаяз но уж пӧзе. Переменаосы, урокъёс бере дружинаысь барабанэн, горнэн шудӥсьёс выступлениоссэс волято. Отрядъёсын но пионер сборлы дасяськон мынэ. Мон аслэсьтым пионере пырем нуналме туж умой тодӥсько. Но Амир вынылэн пионере пырон нуналэз эшшо но вунонтэм луиз шуыса малпасько. 1983-тӥ арын феврале, куинетӥ классын дышетскыкуз, выны гурезьысен куасэн нискылтыкуз усиз но пыдзэ чигиз. Казаньын пыдаз операция лэсьтӥзы, больницаын одӥг толэзьлэсь кема кыллиз. Собере гипс поныса доре лэзизы. Вырытэк куинь толэзь валес вылын кыллёно луэ. Соку дышетӥсьлы уксё тырыса дорын урок сётон сяме пыремын ӧй вал шуыса тодӥсько. Выны кыкетӥ арзэ но куинетӥ классэ кылёно луэ вал. Классэн кивалтӥсьсы Минзифа Галимова декрет шутэтсконын луэмен, со аре соосты Асия Габдрахманова дышетӥз. Асия апай, вынме мукет арлы кельтонтэм понна, нунал потэм, урокъёс бере дорамы лыктыса, солы урок сётӥз.
Куинетӥ классын дышетскисьёс пионере пыро. Выны пионере пырытэк кылёз шат шуыса, мон но сюлмаськыса ветлӥсько. Одӥг нуналэ Асия апай Амирлы, дышетскыны шуыса, пионеръёс сярысь кылбур, пионеръёслэсь торжественной клятвазэс сётӥз. Амирез кызьы школае нуозы меда шуыса, нош ик сюлэмшугъяськи.
Нуназе пионеръёслэн сборзы луиз, ӵош дышетскем эшъёссэ пионере кутӥзы. Мон школаысь бертыса ӧжыт гинэ улэм бере, урамысен горнлэн куараез кылӥськиз. Песяен укнотӥ учкимы но капкатӥ знамя кутэм пионерлэсь, барабанэн, горнэн шудӥсьёслэсь, вожатой Гульсина Ибрагимовалэсь, классэн кивалтӥсезлэсь Асия апайлэсь пыремзэ адӟимы. Вынме пионере кутыны! Песяйлэн шумпотэменыз синкылиосыз ик потӥзы (анай-атай ужын). Выны кылбурзэ, клятвазэ вераз. Вожатой Гульсина апай солэн чыртыяз горд галстук думиз. Анаен атай ужаса бертытозь, выны галстукен кыллиз. Тӥни озьы Амир выны пионер луиз. Та учыр вунонтэм тунсыко одӥг тодэ ваён луыса сюлмам пыӵаса кылиз.
Лилия Накипова (Зайнуллина)
Сосна-Кушкетбаш
Фото: http://kpu-mariupol.org.ua/news/103/

Реклама
Теги: 250
Нравится
Поделиться:
Реклама
Комментарии (0)
Осталось символов: