Пӧяськисьёслы эн оске

Ильнур, 25 ноябрь 2014 - 10:07

1312

3-тӥ ноябрь нуналэ пимы ужен Кирове кошкиз. Умой гинэ лыктыса вуи, ӝыт нош ик жингырто шуыса вераз. ӝыт куать час котырын телефон жингыртӥз.

Телефонын пимылэн куараезлы кельшытыса верало: «Мама, меня сильно избили в лесу» но йырсазьзэ ыштэм кадь куараез ӧвӧллы но потӥз. Мукет одӥг куара кылӥськыны кутскиз: «Пидэ нюлэскын туж кужмо жугизы, соослэсь мозмон понна мынэсьтым 16 сюрс манет уксё басьтӥзы, тон со уксёез срочно матысь одӥг магазинэ пыртыса кельты». «Нош пимы кытын?» шуисько. «Машинаяз кылле. Уксё басьтытэк ум сётӥське», - шуо. Пиен вераськыны уг лэзё, уксё куронзэс азинто. Пимылэн телефоназ 5 пол жингыртӥ, блокировать каремын. Ныллы жингыртыны кутскизы. Соку полицие вазиськыны тупаз. Отысь дежурной соку ик ужрад кутоно луиз. Полицилэн начальникез Ильдар Усманов туж ӝог лыктыса, аслаз ужасьёсыныз мыным юрттӥзы. Соослэн ваньзылы ик бадӟым тау. Яра али секыт вакытэ, ма карыны тодымтэ дыръя соос вань но ялан юртто. Кема но дыр ӧз ортчы, монэ со аферистъёслэсь мозмытӥзы.

Гажано эшъёс!

Али «телефон мошенникъёслэн» сяськаян дырзы. Соос адямиослэсь каньыл улонзэс сӧрыса, уксё ужаны капчи амал шедьтӥллям. Тӥляд нылпиостылы, семья членъёстылы кышкытлык кылдӥз шуыса, уксё куро. Эн оске пӧяськисьёслы, тодытэк нокинлы но, нокытчы но уксё эн понэ. Таӵе учыре самой умоез полицие вазиськон луэ.

Фото: http://vrubcovske.ru/news/proisshestviya/4624

Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Твиттер, Яндекс.Дзен