Район газетмылэн редакциезлэн киысь кие выжись кубокезлы XXVlll-тӥзэ хоккеен шудонъя ӵошатсконэз ортчытон понна куазь туж чебер тупаз

Та зонаосын вормисе потӥз ньыль команда: «Игенче», «МДСУ-1», «Йӧл-вӧй комбинат» но «Нурма». Та командаос кыкетӥ нуналаз финалын шудӥзы но, район газетлэн киысь кие выжись кубокезлэн кузёез тодмо луиз. Со «Нурма» команда. Соос 3:2 лыдэн Балтасьысь «МДСУ-1»-лэсь люкам командазэ вормизы. Нош 3 ар радысь кубокез басьтэм йӧл-вӧй комбинатлэн командаез туэ куинетӥ инты басьтӥз. Соос нырысетӥ шудонъёсын «МДСУ-1» командалы 3:0 лыдэн келязы, нош куинетӥ инты понна шудонын «Игенче» командаез 4:1 лыдэн вормизы. «Нурма» командаез кубок басьтэменызы ӟечкыласьком. Газетлэн кубокез понна ортчытӥськем ӵошатсконэ пыриськем хоккеен шудӥсьёслы, «висисьёслы» но судьяослы бадӟым тау кареммес вераськом. Турнир йылпумъяськыку, тужгес умой шудӥсьёслы призъёс сётэмын вал. «Тужгес умоез вратарь» Владислав Григорьев («МДСУ-1»), «Тужгес умоез нападающий» Радис Юсупов (Нурма), «Тужгес умоез защитник» Нияз Хакимов («Йӧл-вӧй комбинат»), «Тужгес егитэз шудӥсь» Рифнур Садыков (Нурма), «Тужгес арлыдоез шудӥсь» Булат Зиятдинов («Игенче») луизы.